Koratala Siva : టైం కోసం ఎదురు చూస్తున్న కొరటాల.. చిరంజీవికి కొరటాల నుంచి ఎదురుదెబ్బ తప్పకపోవచ్చు..!

Koratala Siva : సోషల్ కంటెంట్ కి కమర్షియల్ ఎలిమెంట్స్ జోడించి ప్రేక్షకులను మెప్పించే డైరెక్టర్ కొరటాల శివ. ఆయన మొదటి సినిమా మిర్చి దగ్గర నుంచి భరత్ అనే నేను వరకు ప్రతి సినిమాలో సామాజిక అంశాన్ని టచ్ చేశారు. అలాంటి డైరెక్టర్ మెగాస్టార్ చిరంజీవితో సినిమా చేస్తున్నారంటే అంచనాలు మామూలుగా ఉండవు. అందులోనూ చిరు, చరణ్‌ కలిసి నటిస్తున్నారంటే ఫ్యాన్స్ కి పండగే అనుకున్నారు. సినిమా చూసి థియేటర్ నుంచి బయటకు వచ్చిన అభిమానులకు కథ ఏమిటి అని ఆలోచిస్తే.. పెద్దగా ఏమీ గుర్తు రాదు. దర్శకత్వంలో, సంభాషణల్లో కొరటాల మార్క్ మిస్ అయింది. దీంతో కొరటాల మెగాస్టార్ కెరీర్‌లో బిగ్గెస్ట్ షాకర్‌గా నిలిచాడు.

అయితే సినిమా పరాజయానికి డైరెక్టర్ కొరటాల శివపై చిరంజీవి పలు సందర్భాల్లో ప్రత్యక్షంగానో, పరోక్షంగానో ఆరోపణలు చేశారు. ఇటీవల గాడ్‌ఫాదర్ ప్రమోషన్స్ లో కూడా చిరు కొరటాల మీద విరుచుకుపడ్డారు. సినిమా నిర్మాణం అనేది సమిష్టి కృషి అని, అందరూ సమానంగా సహకరించినప్పుడే సినిమా బ్లాక్ బస్టర్ అవుతుందని అన్నారు. ఒక దర్శకుడు నటుడిని కేవలం నటించమని, సినిమా నిర్మాణంలో, సృజనాత్మకతలో పాల్గొనవద్దనడం మంచి విషయం కాదని ఆయన అన్నారు. అయితే చిరు వీలుదొరికినప్పుడల్లా కొరటాలపై నిందలు వేయడం మానేసి ముందుకు వెళ్లాలని నెటిజన్స్ అంటున్నారు.

కొరటాల శివ డిగ్నిఫైడ్, చాకచక్యం ఉన్న వ్యక్తని, ఆరోపణలను ఎలా ఎదుర్కోవాలో కూడా ఆయనకు తెలుసంటున్నారు. గతంలో సింహా స్క్రిప్ట్ విషయంలో బోయపాటి శ్రీనుతో గొడవ పడ్డాడు. టైం దొరికినప్పుడు తనదైన శైలిలో బోయపాటికి సరైన సమాధానం ఇచ్చాడు కొరటాల. కాబట్టి కొరటాల ఆచార్య అపజయం గురించి మాట్లాడటానికి సరైన సమయం కోసం వేచి ఉండొచ్చు. ఎన్టీఆర్ 30 సినిమా ప్రమోషన్స్ సందర్భంగా కొరటాల ఈ విషయంపై మాట్లాడే అవకాశం ఉందని పలువురు అంటున్నారు. సినీ పరిశ్రమలో చిరు స్థాయి కారణంగా కొరటాల శివ ఎలాంటి కౌంటర్ ఇవ్వకపోవచ్చని కూడా కొందరు అంటున్నారు. లేదా అతని సక్సెస్ అన్నిటికీ సమాధానం చెప్పవచ్చు అని మరికొందరు అభిప్రాయపడుతున్నారు.