Hunt Movie : హంట్ మూవీ ఓటీటీలో.. ఎందులో అంటే..?

Hunt Movie : మ‌హేష్ బావ సుధీర్ బాబు హిట్స్ , ఫ్లాప్‌ల‌తో సంబంధం లేకుండా వైవిధ్య‌మైన సినిమాల‌తో ప్రేక్షకుల‌ని అల‌రిస్తున్న విష‌యం తెలిసిందే. తాజాగా ఆయ‌న హంట్ అనే సినిమాతో ప్రేక్ష‌కుల‌ని ప‌ల‌క‌రించాడు. మహేష్ సూరపనేని తెరకెక్కించిన ఈ యాక్షన్ థ్రిల్లర్‌ జనవరి 26న విడుదలైంది. ఈ సినిమాకి కూడా ప్రేక్షకుల నుంచి ఆశించిన స్పందన లభించలేదు. భవ్య క్రియేషన్స్ పతాకంపై వి ఆనంద ప్రసాద్ నిర్మించిన హంట్ చిత్రంలో సీనియర్ నటులు శ్రీకాంత్, కోలీవుడ్ యాక్టర్, ప్రేమిస్తే ఫేమ్ భరత్ కీలక పాత్రలు పోషించ‌గా, సుధీర్ బాబు మెమొరీ లాస్ పోలీస్ ఆఫీసర్‌గా తనదైన శైలిలో నటించి మెప్పించాడు.

థియేట‌ర్స్‌లో ప్రేక్ష‌కుల‌ని అల‌రించ‌లేక‌పోయిన ఈ సినిమా ఓటీటీలో సంద‌డి చేసేందుకు సిద్ధ‌మైంది.తాజా సమచారాం ప్రకారం ఫిబ్రవరి 10 నుంచి ప్రముఖ ఓటీటీ ప్లాట్ ఫాం అమెజాన్ ప్రైమ్ వీడియోలో ఈ చిత్రం స్ట్రీమింగ్ కానున్నట్లు వార్త‌లు వ‌స్తున్నాయి.. కాగా ప్రతి చిత్రం దాదాపు 8 వారాల తర్వాత ఓటీటీలో విడుదల చేయాలని ఇప్పటికే నిర్ణయించిన సంగతి తెలిసిందే. ఇక ఇప్పుడు సుధీర్ బాబు నటించిన ఈ సినిమా రిలీజ్ అయిన రెండు వారాలకే ఓటీటీలోకి స్ట్రీమింగ్ అవుతుండ‌డం అంద‌రికి ఆశ్చర్యాన్ని క‌లిగిస్తుంది.

నిజానికి హంట్ చిత్రం దాదాపు పదేళ్ల కిందటే మలయాళంలో వచ్చిన ‘ముంబై పోలీస్’ చిత్రానికి రీమేక్‌గా తెరకెక్కింది. సౌత్ ఇండియన్ స్టార్ హీరో పృథ్విరాజ్ సుకుమారన్, జయసూర్య తదితరులు లీడ్ రోల్స్ పోషించారు. ఇక తెలుగు రీమేక్ విషయానికొస్తే.. చిత్ర శుక్లా ఫిమేల్ లీడ్‌గా నటించింది. కబీర్ దుహన్ సింగ్, మైమ్ గోపి తదితరులు ప్రధాన పాత్రలు పోషించారు. అరుల్ విన్సెంట్ కెమెరా సినిమాటోగ్రాఫర్‌గా పనిచేసిన ఈ చిత్రానికి జిబ్రాన్ సంగీతం అందించడం విశేషం. ఈ చిత్రంలో మైమ్ గోపి, కబీర్ దుహన్ సింగ్, మౌనిక రెడ్డి, గోపరాజు రమణ, మంజుల ఘట్టమనేని, సంజయ్ స్వరూప్, చిత్రా శుక్ల, సుపూర్ణ మల్కర్, రవి వర్మ, ‘జెమినీ’ సురేష్ కీలకపాత్రలలో నటించారు.