Horoscope : ప్రపంచ దేశాల్లో తెలుగు వారు ఎక్కడ ఉన్నా సరే.. అందరూ కలసి జరుపుకునే పండుగ ఒక్కటే. అదే ఉగాది. తెలుగు నూతన సంవత్సరం. ఈసారి ఉగాది ఏప్రిల్ 2వ తేదీన వచ్చింది. ఈ సంవత్సరాన్ని శ్రీ శుభకృత్ నామ సంవత్సరం అని పిలుస్తున్నారు. ఇక ఉగాది అంటేనే మనకు ముందుగా గుర్తుకు వచ్చేది.. పంచాంగం. పంచాంగం ప్రకారం ఈ ఏడాది ఏ రాశి వారికి ఏం జరుగుతుంది ? ఎవరికి నష్టం ఉంటుంది ? ఎవరికి లాభం కలుగుతుంది ? అన్న వివరాలను ఇప్పుడు క్లుప్తంగా తెలుసుకుందాం.
ఈ ఏడాది మిథునరాశి, కన్యా రాశి, మకర రాశి, కుంభ రాశి వారికి ఎంతో మేలు జరుగుతుంది. ఏది చేసినా కలసి వస్తుంది. పట్టిందల్లా బంగారమే అవుతుంది. వీరికి ఈ ఏడాది డబ్బు పరంగా పెద్ద సమస్యలు ఉండవు. డబ్బు పొదుపు చేస్తారు. సంపాదన ఎక్కువగానే ఉంటుంది.
ఇక మేష రాశి, వృషభ రాశి, కర్కాటక రాశి, తుల రాశి, వృశ్చిక రాశులకు చెందిన వారికి ఈ ఏడాది మిశ్రమ ఫలితాలు ఉంటాయి. ఆర్థిక సమస్యలకు పెద్దగా ఇబ్బందులు ఉండవు. కానీ సంపాదన మొత్తం ఖర్చులకే సరిపోతుంది. కనుక పెద్దగా డబ్బును పొదుపు చేసే అవకాశం లభించదు.
ఇక సింహ రాశి, ధనూ రాశి, మీన రాశులకు చెందిన వారికి ఈ ఏడాది సమస్యలు తప్పవు. ఆదాయం కన్నా వీరిది వ్యయమే ఈ ఏడాది ఎక్కువగా ఉంటుంది. కనుక డబ్బులను ఖర్చు పెట్టే విషయంలో జాగ్రత్తలు పాటించడం మంచిది.
