Godfather 1st Day Collections : గాడ్ ఫాదర్ సినిమాతో చిరంజీవి మళ్లీ ట్రాక్ లోకి వచ్చినట్టుగానే భావిస్తున్నారు. ఆచార్య లాంటి ఘోరమైన ఫ్లాప్ తరువాత గాడ్ ఫాదర్ సినిమా ఆయనకు కాస్త రిలీఫ్ ఇచ్చిందని అంటున్నారు. ఒక పక్క రీమేక్ సినిమా అయ్యి ఉండి, లూసిఫర్ తెలుగు డబ్బింగ్ వెర్షన్ ఓటీటీలో అందుబాటులో ఉన్నప్పటికీ అంతగా ప్రచారం లేకపోయినా మంచి ఓపెనింగ్స్ రాబట్టడంలో గాడ్ ఫాదర్ సినిమా విజయవంతం అయ్యిందని విశ్లేషకులు అభిప్రాయ పడుతున్నారు.
సినీ ట్రేడ్ వర్గాల నుండి అందిన సమాచారాన్ని బట్టి గాడ్ ఫాదర్ మూవీ మొదటి రోజైన బుధవారం నాడు ప్రపంచ వ్యాప్తంగా రూ.38 కోట్ల గ్రాస్ వసూలు చేసిందని తెలిసింది. యూఎస్ లో ప్రీమియర్ షోల కలెక్షన్లు కూడా కలిపి ఈ మొత్తం సాధించినట్టుగా చెబుతున్నారు. ఇక సీమ ఏరియాలో బ్లాక్ బస్టర్ మాస్ హిట్ గా నిలిచిందని అంటున్నారు. చిరంజీవి కెరీర్ లోనే వసూళ్ల పరంగా భారీ ఓపెనింగ్స్ సొంతం చేసుకుందని, బాస్ ఈజ్ బ్యాక్ అని అభివర్ణిస్తున్నారు.
నయనతార, సత్యదేవ్ తమ క్యారెక్టర్లలో అద్భుతంగా చేశారని, సల్మాన్ ఖాన్ కూడా సినిమాకు ప్లస్ పాయింట్ అయ్యాడని అని విశ్లేషిస్తున్నారు. పాజిటివ్ రివ్యూలు, మౌత్ పబ్లిసిటీతోపాటు వరుస సెలవులు రావడంతో మంచి ప్రారంభ వసూళ్లు దక్కాయని అభిప్రాయ పడుతున్నారు. ఇంకా హాలిడేస్ మిగిలి ఉండడంతో రానున్న రోజుల్లో ఇంకా పుంజుకుంటుందని అంటున్నారు.
