F3 : వెంకటేష్, వరుణ్ తేజ్ మల్టీ స్టారర్గా ఇటీవలే థియేటర్లలో రిలీజ్ అయిన మూవీ.. ఎఫ్3. ఎఫ్2కు సీక్వెల్ కాకపోయినా నటీనటులు అందరూ వాళ్లే ఇందులోనూ యాక్ట్ చేశారు. ఈ క్రమంలోనే ఎఫ్3 మూవీ బాక్సాఫీస్ వద్ద ఘన విజయం సాధించింది. రికార్డు స్థాయిలో వసూళ్లను రాబట్టింది. దీంతో త్వరలోనే మళ్లీ ఎఫ్4ను ప్రారంభిస్తానని దర్శకుడు అనిల్ రావిపూడి చెప్పారు. అలాగే స్టార్ నటులను ఈసారి రంగంలోకి దింపుతానని అన్నారు.
కాగా ఎఫ్3 మూవీని సోనీ లివ్ ప్లాట్ఫామ్పై ఈ నెల 22వ తేదీ నుంచి స్ట్రీమ్ చేయనున్నట్లు ప్రకటించారు. అయితే మరో ఓటీటీ సంస్థ కూడా ఈ మూవీ డిజిటల్ హక్కులను సొంతం చేసుకుంది. నెట్ ఫ్లిక్స్లోనూ ఈ మూవీని స్ట్రీమ్ చేయనున్నారు. 22వ తేదీనే ఈ మూవీ సోనీ లివ్తోపాటు నెట్ ఫ్లిక్స్లోనూ రిలీజ్ కానుంది. ఈమేరకు నెట్ ఫ్లిక్స్ సౌత్ ఇండియా ఒక ప్రకటనలో తెలియజేసింది.
కాగా ఎఫ్3 మూవీలో తమన్నా, మెహ్రీన్లు ఫీమేల్ లీడ్స్లో నటించారు. పూజా హెగ్డె ఒక ప్రత్యేక సాంగ్లో కనిపించి అలరించింది. శ్రీ వెంకటేశ్వర క్రియేషన్స్ బ్యానర్పై దిల్ రాజు ఈ చిత్రాన్ని నిర్మించారు. అనిల్ రావిపూడి దర్శకత్వం వహించారు. దేవిశ్రీప్రసాద్ సంగీతం అందించారు. థియేటర్లలో రిలీజ్ అయి భారీ హిట్ అయిన ఈ మూవీ ఓటీటీలోనూ హిట్ అవుతుందని ఆశిస్తున్నారు.
