Naga Chaitanya : థాంక్ యూ మూవీలో 16 ఏళ్ల కుర్రాడిగా క‌నిపించేందుకు నాగ‌చైత‌న్య ఏం చేశాడో తెలుసా ?

Naga Chaitanya : బంగార్రాజు మూవీ స‌క్సెస్ అనంత‌రం నాగ‌చైత‌న్య మ‌న ముందుకు థాంక్ యూ అనే మూవీతో వ‌స్తున్న విష‌యం విదిత‌మే. ఇందులో నాగ‌చైత‌న్య స‌ర‌స‌న ముగ్గురు హీరోయిన్లు న‌టిస్తున్నారు. రాశి ఖ‌న్నా, మాళ‌వికా నాయ‌ర్‌, అవికా గోర్‌లు చైతూ ప‌క్క‌న యాక్ట్ చేస్తున్నారు. ఈ క్ర‌మంలోనే చైతూ ఈ మూవీలో అభిరామ్ పాత్ర‌లో క‌నిపించ‌నున్నాడు. అయితే చిత్ర విడుద‌ల తేదీ ద‌గ్గ‌ర ప‌డుతుండ‌డంతో మేక‌ర్స్ ప్ర‌మోష‌న్స్‌లో స్పీడ్ పెంచారు. అందులో భాగంగానే ఇటీవ‌లే చైతూ, రాశిఖ‌న్నా మీడియాకు ఇంట‌ర్వ్యూలు ఇచ్చారు. ఇక ఇప్పుడు ద‌ర్శ‌కుడు విక్ర‌మ్ కుమార్ కూడా ఇంట‌ర్వ్యూ ఇచ్చారు. ఆయ‌న ఈ మూవీకి సంబంధించి ప‌లు కీల‌క విష‌యాల‌ను పంచుకున్నారు.

థాంక్ యూ మూవీలో నాగ‌చైత‌న్య మూడు ర‌కాలుగా క‌నిపిస్తాడు. 16 ఏళ్లు, 22 ఏళ్లు, 34 ఏళ్ల వ‌య‌స్సులో ఎలా ఉండాలో అత‌ను అచ్చం అలాగే క‌నిపిస్తాడు. అయితే ఇందుకు ఎలాంటి మేక‌ప్ లేదా గ్రాఫిక్స్‌ను వాడ‌లేదు. మ‌రి అంత త‌క్కువ వ‌య‌స్సు ఉన్న వాడిలా ఎలా క‌నిపించాడు.. అంటే.. అత‌నే క‌ష్ట‌ప‌డ్డాడు. 50 రోజుల పాటు ప్ర‌త్యేక డైట్‌ను పాటించి బ‌రువు బాగా తగ్గాడు. దీంతో 16 ఏళ్ల కుర్రాడిలా కనిపించాడు. సినిమా కోసం చైత‌న్య ఎంత క‌ష్ట‌ప‌డ‌తాడో ఈ ఒక్క సంఘ‌టన చాలు.. అంటూ ద‌ర్శ‌కుడు విక్ర‌మ్ తెలిపారు.

అలాగే 22, 34 ఏళ్ల వ‌య‌స్సుల‌లో ఉన్న‌వాడిలా క‌నిపించేందుకు కూడా చైతూ ప్ర‌త్యేక శ్ర‌ద్ధ తీసుకున్నాడ‌ని ద‌ర్శ‌కుడు వివ‌రించారు. క‌నుక సినిమాలో చైతూను మూడు భిన్న ర‌కాల గెట‌ప్‌ల‌లో చూడ‌వ‌చ్చ‌న్నారు. ఇక ఈ మూవీకి బీవీఎస్ ర‌వి ర‌చ‌యిత కాగా ఈ సినిమాను దిల్ రాజు, శిరీష్‌లు శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై నిర్మించారు. ఈ మూవీ ఈ నెల 22వ తేదీన థియేట‌ర్ల‌లో రిలీజ్ చేయ‌నున్నారు.