Chiranjeevi : చిరంజీవి – ప‌వ‌న్ మ‌ధ్య విభేదాలు తొల‌గిపోయాయా.. ఈ ఫోటోలు చూసి ఫ్యాన్స్ ఫుల్ ఖుష్‌..!

Chiranjeevi : సాయి ధ‌ర‌మ్ తేజ్ హీరోగా న‌టించిన “రిపబ్లిక్” ప్రీ రిలీజ్ వేడుకకి ముఖ్య అతిథిగా హాజ‌రైన పవన్ కొన్ని సంచ‌ల‌న వ్యాఖ్య‌లు చేసిన విష‌యం తెలిసిందే. ఆయ‌న వ్యాఖ్యల ప్రభావం అటు రాజకీయంగా, ఇటు సినిమా ఇండస్ట్రీ పరంగా కలకలం రేపాయి. ముఖ్యంగా ఆన్ లైన్ బుకింగ్ విధానాన్ని తప్పుబడుతూ జగన్ ప్రభుత్వం పై పవన్ కళ్యాణ్ భారీ స్థాయిలో విమర్శలు చేశారు. పవన్ చేసిన వ్యాఖ్యలతో తమకు సంబంధం లేదని ఇండస్ట్రీకి చెందిన చాలా మంది స్ప‌ష్టం చేశారు.

ఇదే స‌మ‌యంలో చిరంజీవి కూడా తనతో మాట్లాడినట్లు, రిపబ్లిక్ డే రిలీజ్ వేడుకలో జరిగిన పరిణామాలకు ఇండస్ట్రీకి ఎటువంటి సంబంధం లేదని చెప్పిన‌ట్టు.. పేర్ని నాని ఆ మ‌ధ్య మీడియా స‌మావేశంలో చెప్పుకొచ్చారు. అయితే చిరంజీవి చేసిన కామెంట్స్‌తో ప‌వ‌న్ హ‌ర్ట్ అయ్యారని, ఇద్ద‌రికీ అస్సలు ప‌డ‌ట్లేద‌ని గాసిప్స్ గుప్పుమ‌న్నాయి. కానీ వీటిని ప‌టాపంచ‌లు చేశారు మెగా బ్ర‌ద‌ర్స్.

ప‌వర్‌ స్టార్‌ పవన్‌ కల్యాణ్‌, చిరంజీవి రీసెంట్‌గా ఓ పెళ్లి వేడుకలో కలసి కనిపించి కనువిందు చేశారు. మాజీ మంత్రి బుద్ధ ప్రసాద్ కుమారుడు వెంకట్రామ్ మ్యారేజ్‌ రిసెప్షన్ హైదరాబాద్‌లో జరిగింది. అక్కడికి మెగాస్టార్‌, పవర్‌స్టార్‌ వచ్చారు. ఏదో సంద‌ర్భంలో వీరిద్ద‌రూ క‌లసి తెగ న‌వ్వుకున్నారు. ఆ ఫొటోలు చూసి ఫ్యాన్స్ తెగ మురిసిపోతున్నారు. పవన్‌ కల్యాణ్‌ తన అన్నయ్య చేతిలో చేయి వేసి నవ్వుతున్న ఫోటోలు సోషల్‌ మీడియాలో పోస్ట్‌ చేయగా, అవి వైరల్‌గా మారాయి.