Dj Tillu : సిద్ధు జొన్నలగడ్డ, నేహాశెట్టిలు హీరోహీరోయిన్లుగా వచ్చిన చిత్రం.. డీజే టిల్లు. ఈ మూవీ ప్రేక్షకులను ఎంతగా అలరించిందో ప్రత్యేకంగా చెప్పాల్సిన పనిలేదు. ముఖ్యంగా ఇందులోని పాటలు సూపర్ డూపర్ హిట్ అయ్యాయి. ప్రధానంగా డీజే టిల్లు టైటిల్ సాంగ్ అయితే అదిరిపోయింది. ఈ పాట ఇప్పటికీ యూట్యూబ్లో ట్రెండ్ అవుతోంది. ఇక పెళ్లి ఊరేగింపు సమయాల్లో ఇప్పటికే చాలా మంది ఈ పాటను ప్లే చేశారు. అందుకు అదిరిపోయే రీతిలో డ్యాన్స్లను కూడా చేశారు. ఈ క్రమంలోనే తాజాగా ఓ పెళ్లి ఊరేగింపు సమయంలో ఇదే పాటను మళ్లీ ప్లే చేశారు. దీంతో ఊరేగింపులో పాల్గొన్న వధువు, వరుడు ఇద్దరూ ఈ పాటకు డ్యాన్స్ చేసి ఆకట్టుకున్నారు.
ఓ పెళ్లి ఊరేగింపులో డీజే టిల్లు టైటిల్ సాంగ్ను ప్లే చేశారు. అందులో వధువు, వరుడు ఇద్దరూ కారులోనే ఉండి ఈ పాటకు స్టెప్పులేశారు. ఈ క్రమంలో తీసిన వీడియో సామాజిక మాధ్యమాల్లో వైరల్ అవుతోంది. వారిద్దరి డ్యాన్స్ను చాలా మంది మెచ్చుకుంటున్నారు. ఈ పాటకు ఇప్పటికే అనేక మంది సెలబ్రిటీలు సైతం డ్యాన్స్లు చేశారు. టీవీ షోల్లోనూ ఈ పాట అదరగొడుతోంది. ప్రేక్షకులు ఈ పాటను ఎంతో ఆసక్తిగా వీక్షించడమే కాదు.. అందుకు అనుగుణంగా డ్యాన్స్ చేస్తూ అలరిస్తున్నారు కూడా.
కాగా డీజే టిల్లు సినిమాకు శ్రీచరణ్ సంగీతం అందించారు. విమల్ కృష్ణ దర్శకత్వం వహించారు. పీడీవీ ప్రసాద్ సమర్పణలో సూర్యదేవర నాగవంశీ ఈ మూవీని నిర్మించారు. ఫిబ్రవరి 12వ తేదీన రిలీజ్ అయిన ఈ మూవీ బాక్సాఫీస్ వద్ద ఘన విజయం సాధించింది. అలాగే ఓటీటీలోనూ భారీ వ్యూస్ను సాధించింది.
