Bigg Boss 5 : బిగ్ బాస్ సీజన్ 5 కార్యక్రమం రోజురోజుకీ రసవత్తరంగా సాగుతోంది. అప్పటి వరకు కలిసి ఉండే హౌజ్మేట్స్ వెంటనే కొట్టుకోవడం చూస్తుంటే అసలు బిగ్ బాస్ హౌజ్లో ఎప్పుడు ఏం జరుగుతుందో అర్ధం కాని పరిస్థితి నెలకొంది. అయితే శుక్రవారం బిగ్ బాస్ హౌజ్మేట్స్ని తమ జీవితంలో ఏర్పడ్డ అడ్డంకుల గురించి వివరించమని చెప్పారు. ఈ క్రమంలో షణ్ముఖ్ కొన్ని కీలక వ్యాఖ్యలు చేశాడు.
‘ఇంటర్ సెకండియర్ తర్వాత బెంగళూరులో సీటు వచ్చింది. ఆ సమయంలో లవ్ బ్రేకప్ కావడంతో నా సగం జీవితం పోయిందని చాలా ఫీలయ్యా. ఆత్మహత్య చేసుకోవాలని డిసైడ్ అయ్యాను. సరిగ్గా అప్పుడే నా బెస్ట్ ఫ్రెండ్ వచ్చి డోర్ కొట్టాడు. నేను తీయలేదు. అతడు నేరుగా లోపలికి వచ్చి నాలుగు పీకాడు. ఈ రోజు నేను బతికి ఉన్నానంటే వాడే కారణం అని అన్నాడు షణ్ముఖ్. వైవా అనే షార్ట్ ఫిలిం ద్వారా నాకు బ్రేక్ వచ్చిందని పేర్కొన్నాడు.
నేను వేరేవాళ్లను పెళ్లి చేసుకోబోగా అది ఆగిపోయింది, ఆ తర్వాత నేను ప్రేమించినవాడు చనిపోయాడు. అప్పుడు అందరూ అన్నారు.. తల్లేమైనా పద్ధతిగా ఉందా? కూతురు ఉండటానికి! అన్నారు. అప్పుడే డిసైడ్ అయ్యాను. నేనేంటో చూపిస్తానని! ఇంట్లో చెప్పా పెట్టకుండా హైదరాబాద్ వచ్చి కెరియర్ ప్రారంభించాను అని సిరి చెప్పుకొచ్చింది.
స్పందించండి