Ariyana : ఒకప్పుడు యాంకర్ గా తన ప్రస్థానం ప్రారంభించిన అరియానా గ్లోరీ ప్రస్తుతం వరుస అవకాశాలతో ఎంతో బిజీగా ఉంది. ఈమె యాంకర్ గా ఉన్నప్పుడు రామ్ గోపాల్ వర్మ చేసిన ఇంటర్వ్యూ ద్వారా ఎంతో ఫేమస్ అయ్యింది. ఈ పాపులారిటీతో బిగ్ బాస్ ఎంట్రీ ఇచ్చిన ఈమె అనంతరం బిగ్ బాస్ ద్వారా మరింత గుర్తింపు సంపాదించుకుని ప్రస్తుతం వరుస సినిమాలతో ఎంతో బిజీగా ఉంది.
ఈ క్రమంలోనే రాజ్ తరుణ్ నటించిన అనుభవించు రాజా సినిమాలో అరియానా గ్లోరీ కీలక పాత్రలో నటించింది. ఇప్పటికే ఈ సినిమా ప్రేక్షకుల ముందుకు వచ్చి విశేషమైన ఆదరణ దక్కించుకుంటోంది. ఇదిలా ఉండగా తాజాగా ఆ డైరెక్టర్ తో కలిసి ఓ ఇంటర్వ్యూలో పాల్గొన్న ఈమె హీరో రాజ్ తరుణ్ గురించి షాకింగ్ కామెంట్స్ చేసింది.
తనకు రాజ్ తరుణ్ అంటే అస్సలు నచ్చదని, అలాంటి వ్యక్తితో సినిమా ఎలా చేశానో తనకి షాకింగ్ గా ఉందని తెలిపింది. ఒకసారి రాజ్ తరుణ్ కారులో వెళ్తుంటే అతనికి యాక్సిడెంట్ కావాలని కోరుకున్నానని ఈమె రాజ్ తరుణ్ గురించి షాకింగ్ కామెంట్స్ చేసింది. అలా ఎందుకు కోరుకున్నారనే విషయాన్ని చెబుతూ.. ఒకసారి ఇంటర్వ్యూకి పిలిచి చాలా సేపు వెయిట్ చేయించారని, వెయిట్ చేసినా ఇంటర్వ్యూ ఇవ్వకుండా డబ్బింగ్ కరెక్షన్ ఉందని అక్కడి నుంచి వెళ్లిపోయారని తెలిపింది. దీంతో తాను అలా కోరుకున్నానని ఆమె తెలిపింది.
