Liger Movie : మరో చెత్త రికార్డును న‌మోదు చేసిన లైగ‌ర్‌.. శ‌ర‌వ‌ణ‌న్ మూవీ క‌న్నా దారుణ‌మైన సినిమాన‌ట‌..!

Liger Movie : అర్జున్ రెడ్డితో స్టార్ డమ్ సంపాదించుకున్న హీరో విజయ్ దేవరకొండ నటించిన లేటెస్ట్ మూవీ లైగర్ ఈనెల 25న ప్రేక్షకుల ముందుకు వచ్చింది. విజయ్ కెరీర్‌లో తొలిసారిగా పాన్ ఇండియా సినిమాగా ఈ మూవీ తెరకెక్కింది. మాస్ డైరెక్టర్ పూరీ జగన్నాథ్ దీనికి దర్శకత్వం వహించగా, బాలీవుడ్ బ్యూటీ అనన్య పాండే హీరోయిన్ గా నటించింది. భారీ అంచనాల మధ్య విడుదలైన ఈ మూవీ ప్రీమియర్ షోస్ నుంచే రిజల్ట్ తేడా కొట్టింది. అయినా అది ఫస్ట్ డే కలెక్షన్స్ మీద పెద్దగా ప్రభావం చూపించలేదు.

రౌడీ బాయ్ విజయ్ దేవరకొండకు ప్రేక్షకులలో ఉన్న క్రేజ్, సినిమా విడుదలకు ముందు చేసిన ప్రమోషన్స్ కారణంగా చెప్పుకోదగ్గ రీతిలో వసూళ్లు వచ్చాయి. కానీ ఆ తరువాత మాత్రం కలెక్షన్స్ అత్యంత దారుణంగా ఉన్నాయి. మరోవైపు సోషల్ మీడియాలో లైగర్ టీంపై ట్రోలింగ్ ఇంకా ఆగడం లేదు. దీనికి తోడు ఇప్పుడు ఈ మూవీ మరో డిజాస్టర్ రికార్డ్ సాధించిందని సోషల్ మీడియాలో ఓ న్యూస్ చక్కర్లు కొడుతోంది. ఇంతకీ అదేంటంటే.. ప్రముఖ ఇంటర్నేషనల్ మూవీ సైట్ IMDB (ఇంట‌ర్నెట్ మూవీ డేటా బేస్) లైగర్ సినిమాకి అత్యంత తక్కువ రేటింగ్ ఇచ్చింది. ఆ రేటింగ్ ఎంతంటే.. 1.7/10. (ముందు ముందు ఈ రేటింగ్ పెరగొచ్చు లేదా ఇంకా చెత్తగా పడిపోవచ్చు.)

ఇటీవల శరవణన్ నటించిన ది లెజెండ్ సినిమా విడుదలైంది. దీనికి IMDB సైట్ 4.7 రేటింగ్ ఇచ్చింది. అలాగే అమీర్ ఖాన్ లాల్ సింగ్ చడ్డా సినిమాకి 5 రేటింగ్ ఇచ్చింది. మోహన్ బాబు సన్నాఫ్ ఇండియాకు కూడా 10కి 5 రేటింగ్ ఇచ్చింది. అలాంటిది స్టార్ హీరో, స్టార్ డైరెక్టర్ లైగర్ కి మాత్రం చాలా తక్కువ రేటింగ్ ఇచ్చింది. దీంతో యాంటీ ఫ్యాన్స్ ఈ రేటింగ్ కి సంబంధించిన స్క్రీన్ షాట్స్ షేర్ చేస్తూ సోషల్ మీడియాలో ట్రోల్ చేస్తున్నారు. లైగర్ సినిమా చూసిన ప్రేక్షకుల నుంచి దారుణమైన రెస్పాన్స్ రావడంతో చిత్ర యూనిట్ కూడా సైలెంట్ అయిపోయింది.