Anasuya : జబర్ధస్త్ కార్యక్రమంతో ఫుల్ పాపులారిటీని సంపాదించడమే కాకుండా అందరి మనసులలోనూ చెరగని ముద్ర వేసుకున్న అందాల ముద్దుగుమ్మ అనసూయ. ఇప్పుడు ఈమె బుల్లితెరపైనే కాకుండా వెండితెరపై కూడా పలు అవకాశాలను దక్కించుకుని తనదైన శైలిలో దూసుకుపోతోంది. అయితే కెరీర్ పరంగా ఎంతో బిజీగా ఉంటుందో సోషల్ మీడియాలో కూడా అంతే యాక్టివ్ గా ఉంటుంది ఈ బ్యూటీ.
సోషల్ మీడియాలో యాక్టివ్ గా ఉంటూ తనకు సంబంధించిన విషయాలను అభిమానులతో పంచుకుంటూ ఉంటుంది. తాజాగా ఈ ముద్దుగుమ్మ ఖమ్మంలో ఓ షాపింగ్ మాల్ ఓపెనింగ్కు వెళ్లింది. అనసూయని చూసేందుకు అభిమానులు ఎగబడ్డారు. పోలీసులు కూడా రంగంలోకి దిగి జనాలను కంట్రోల్ చేయాల్సిన పరిస్థితి వచ్చింది. అయితే అభిమానులు భారీగా పోటెత్తడంతో షాకైన అనసూయ.. వారిని నిరాశకు గురి చేయకూడదని కొందరికి ఫోటోలు తీసుకునేందుకు అవకాశం ఇచ్చింది.
అయితే కొందరికి ఆ అవకాశం రాలేదు. కానీ ఓ అభిమానికి మాత్రం అనసూయ చేయి తాకడంతో తెగ ఆనందించాడు. అనసూయ తన చేతిని తాకిందంటూ సంబరాలు చేసుకున్నాడు. తన కలల రాణి చేతిని తాకిన విషయాన్ని సోషల్ మీడియాలో పోస్ట్ చేశాడు. అభిమాని అంతలా హ్యాపీ ఫీల్ అవ్వడంపై అనసూయ స్పందించింది. ‘అయ్యో శానిటైజ్ చేసుకోండి’ అని అతడిని సరదాగా ఆటపట్టించింది. అనసూయ చేసిన పోస్ట్ ప్రస్తుతం వైరల్గా మారింది.
స్పందించండి