Amitabh Bachchan : ఎస్‌బీఐకి ఆఫీస్‌ను రెంట్‌కి ఇచ్చిన బిగ్‌బీ.. నెల నెలా ఎంత అద్దె వ‌స్తుందో తెలిస్తే షాకే..!

Amitabh Bachchan : దేశంలోని అతి పెద్ద ప‌బ్లిక్ సెక్టార్ బ్యాంకుల‌లో ఎస్‌బీఐ నంబ‌ర్ వ‌న్ స్థానంలో ఉన్న సంగ‌తి తెలిసిందే. ఎస్‌బీఐకి దేశ‌వ్యాప్తంగా కొన్ని కోట్ల మంది ఖాతాదారులు ఉన్నారు. అయితే ముంబైలో మాత్రం ఓ ఎస్‌బీఐ బ్రాంచ్‌కు బాలీవుడ్ సూప‌ర్ స్టార్ అమితాబ్ బ‌చ్చ‌న్ త‌న ఆఫీస్‌ను రెంట్‌కు ఇచ్చారు. దానికి నెల నెలా అద్దె ఎంత వ‌స్తుందో తెలిస్తే నోరెళ్ల‌బెట్టాల్సిందే.

ముంబైలోని జుహు అనే ప్రాంతంలో ఉన్న బిల్డింగ్‌లోని ఆఫీస్‌ను బిగ్‌బీ ఎస్‌బీఐకి రెంట్‌కు ఇచ్చారు. ఆ ఆఫీస్ విస్తీర్ణం 3150 చ‌ద‌ర‌పు అడుగులు. కాగా ఆ బిల్డింగ్ అమితాబ్ నివాసానికి ద‌గ్గ‌ర్లోనే ఉంటుంది. ఇక ఆ భ‌వంతికి నెల నెలా అద్దెకు గాను ఎస్‌బీఐ ఏకంగా రూ.18.9 ల‌క్ష‌లను అమితాబ్‌కు చెల్లిస్తోంది.

15 ఏళ్లకు ఒక‌సారి లీజ్ కింద అగ్రిమెంట్ ఉంది. 5 ఏళ్ల‌కు ఒక‌సారి 25 శాతం రెంట్‌ను పెంచే విధంగా అగ్రిమెంట్ చేసుకున్నారు. దీంతో ఆ ఆఫీస్‌కు ఎస్‌బీఐ ఏకంగా రూ.18.9 ల‌క్ష‌ల‌ను నెల నెలా అమితాబ్‌కు చెల్లిస్తోంది. ఇక సెక్యూరిటీ డిపాజిట్ కింద రూ.2.26 కోట్ల‌ను ఎస్‌బీఐ.. అమితాబ్ ఖాతాలో డిపాజిట్ చేసింది. ఈ వివ‌రాల‌ను ఎక‌నామిక్ టైమ్స్‌లో వెల్ల‌డించారు.