Green Tea : ఇంతకు ముందు ప్రజలు తమ ఆరోగ్యం పట్ల అంత శ్రద్ధ చూపించేవారు కాదు. కానీ చిన్న వయస్సులోనే హార్ట్ ఎటాక్లు వస్తున్నాయి. ఇతర తీవ్రమైన వ్యాధుల బారిన కూడా పడుతున్నారు. కనుక ప్రతి ఒక్కరిలోనూ ఆరోగ్యం పట్ల స్పృహ పెరిగింది. దీంతో చాలా మంది నిత్యం వ్యాయామాలు చేయడం, డైట్ పాటించడం చేస్తున్నారు. అలాగే బరువు తగ్గాలని చెప్పి చాలా మంది గ్రీన్ టీ తాగుతున్నారు. దీంతో కొవ్వు వేగంగా కరుగుతుంది. అలాగే పలు ఇతర ప్రయోజనాలు కూడా కలుగుతాయి. అయితే వేసవిలో ఈ గ్రీన్ టీని తాగవచ్చా.. ఏం జరుగుతుంది.. అన్న వివరాలను ఇప్పుడు తెలుసుకుందాం.
వేసవి కాలంలో మనకు సహజంగానే గ్యాస్ సమస్యలు ఎక్కువగా ఉంటాయి. పైగా శరీరంలో వేడి ఎక్కువగా ఉంటుంది. అయితే గ్రీన్ టీ వల్ల శరీర మెటబాలిజం పెరుగుతుంది. దీంతో సహజంగానే శరీరం వేడిగా మారుతుంది. కానీ వేసవి వేడి వల్ల గ్రీన్ టీ తాగితే వేడి మరింత పెరుగుతుంది. కనుక అతి వేడి సమస్య ఉన్నవారు గ్రీన్ టీని ఈ సీజన్లోనూ తాగకపోవడమే మంచిది. గ్రీన్ టీకి బదులుగా ప్రత్యామ్నాయ పానీయాలను తాగాలి.
అయితే వేడి సమస్య లేని వారు గ్రీన్ టీని వేసవిలో అయినా సరే రోజుకు 1 కప్పు మేర తాగవచ్చు. మోతాదుకు మించితే వేడి లేని వారికి కూడా వేడి చేస్తుంది. కనుక వేసవిలో గ్రీన్ టీ తాగే విషయంలో జాగ్రత్తలను పాటించాలి. ఇక గ్రీన్ టీకి బదులుగా సబ్జా గింజల పానీయం తాగవచ్చు. ఇది శరీరానికి ఎంతో చలువ చేస్తుంది. వేడి మొత్తాన్ని తగ్గిస్తుంది. పైగా బరువు కూడా తగ్గవచ్చు. కనుక వేసవిలో గ్రీన్ టీ కన్నా సబ్జా గింజల పానీయం ఉత్తమమైన డ్రింక్ అని చెప్పవచ్చు.
