నోటి దుర్వాసనతో సతమతమవుతున్నారా.. ఇలా చేయండి..

సాధారణంగా కొందరిలో రోజుకు రెండు సార్లు బ్రష్ చేసినప్పటికీ నోటి నుంచి దుర్వాసన వస్తుంది. ఈ విధమైన సమస్యతో బాధపడేవారు నలుగురిలో కలిసి మాట్లాడలేక ఎంతో ఇబ్బంది పడుతుంటారు. ముఖ్యంగా మద్యపానం ధూమపానం తంబాకు అలవాటు ఉన్నవారిలో ఈ సమస్య మరింత ఎక్కువగా వేధిస్తుంది. అదేవిధంగా కొందరిలో ఏ విధమైనటువంటి చెడు అలవాటు లేకున్నప్పటికీ వారికి నోటి దుర్వాసన సమస్య వెంటాడుతోంది. ఈ విధంగా నోటి దుర్వాసన రావడానికి రెండు కారణాలు ఉన్నాయి. మొదటిది మన నోరు పరిశుభ్రంగా లేకపోవడం వల్ల వెలువడే దుర్వాసన, మరొకటి కడుపులో జీర్ణ వ్యవస్థ పనితీరు సరిగా లేనప్పుడు నోటినుంచి ఈ విధమైనటువంటి దుర్వాసన వెలువడుతుంది. ఈ విధంగా వచ్చే నోటి దుర్వాసనను ‘హాలిటోసిస్‌’ అంటారు. మరి ఈ నోటి దుర్వాసన నుంచి విముక్తి పొందాలంటే ఈ చిన్న చిట్కాలను పాటించాల్సిందే.

*నోటి దుర్వాసన సమస్యను ఎదుర్కోవాలంటే తరచూ తులసి, జామ, పుదీనా, యూకలిప్టస్ వంటి ఆకులను నమలడం ద్వారా నోటిలో ఏర్పడిన బ్యాక్టీరియాలో తొలగిపోయి నోటి దుర్వాసన తగ్గిపోతుంది.

*ప్రతి రోజు భోజనం తర్వాత ఏలక్క, కొత్తిమీర, పుదీనా, లవంగం నోటిలో పెట్టుకుని చప్పరించడం వల్ల ఈ సమస్య నుంచి విముక్తి పొందవచ్చు.

*ప్రతిరోజు మన ఆహారంలో భాగంగా తాజా పెరుగును తీసుకోవడం వల్ల ఈ విధమైనటువంటి సమస్య నుంచి విముక్తి పొందవచ్చని తాజా పరిశోధనలు తెలియజేస్తున్నాయి. అదేవిధంగా పెరుగును తరచూ తినడం వల్ల దంతాలపై ఏర్పడిన పాచీ, చిగుళ్ల సమస్య నుంచి కూడా విముక్తి పొందవచ్చు.

*పీచు పదార్థాలు అధికంగా కలిగి ఉన్న పండ్లను, కూరగాయలను తీసుకోవడం వల్ల అధిక లాలాజలం ఉత్పత్తి అయి నోటి దుర్వాసన లేకుండా చేస్తుంది.

*ఈ విధంగా నోటి దుర్వాసనతో బాధపడేవారు ముఖ్యంగా సిట్రస్ జాతికి చెందిన పండ్లను తీసుకోవాలి. ఇందులో విటమిన్ సి పుష్కలంగా ఉంటుంది కనుక నోటి దుర్వాసనను అదుపుచేయడానికి దోహద పడుతుంది.