ఐదు నిమిషాలలో రుచికరమైన టమోటా రైస్ తయారీ విధానం…

మన ఇంట్లో ఎటువంటి కూరగాయలు లేనప్పుడు ఏం కూర చేయాలో కొన్నిసార్లు దిక్కుతోచదు. అలాంటి సమయంలో కూరతో అవసరం లేకుండా కేవలం అయిదు నిమిషాలలో రుచికరమైన టమోటా రైస్ తయారు చేసుకొని తినవచ్చు. మరి టమోటో రైస్ ఏ విధంగా చేయాలో ఇక్కడ తెలుసుకుందాం..\

కావలసిన పదార్థాలు

*అర కిలో బియ్యం

*బాగా పండిన టమోటాలు 4

*పెద్ద సైజు ఉల్లిపాయ ఒకటి

*పసుపు చిటికెడు

*కారం అర టీ స్పూన్

*గరం మసాల ఒక టీస్పూన్

*కొత్తిమీర తురుము

*కరివేపాకు

*నూనె

*ఉప్పు తగినంత

*ఆవాలు చిటికెడు

*జీలకర్ర చిటికెడు

*పచ్చిమిర్చి 2

తయారీ విధానం

ముందుగా బియ్యం బాగా కడిగి రైస్ చేసి పెట్టుకోవాలి. తరువాత ఉల్లిపాయను, టమోటాలను, పచ్చిమిర్చి చిన్న చిన్న ముక్కలుగా కట్ చేసి పెట్టుకోవాలి. స్టవ్ పై పాన్ పెట్టి కొద్దిగా నూనె వేయాలి నూనె వేడెక్కిన తరవాత కొద్దిగా కరివేపాకు రెమ్మలు, ఆవాలు, జీలకర్ర వేయాలి. రెండు నిమిషాలు వేగిన తర్వాత అందులోకి ముందుగా కట్ చేసి పెట్టుకొన్న ఉల్లిపాయ ముక్కలు వేయాలి. ఉల్లిపాయ ముక్కలు, పచ్చిమిర్చి ముక్కలు వేయాలి. ఉల్లిపాయలు కొద్దిగా ఎరుపు వర్ణంలోకి వచ్చేటప్పుడు టమోటా ముక్కలు వేయాలి. రెండు నిమిషాల పాటు చిన్నమంటపై టమాటాలను ఉడికించాలి. తరువాత చిటికెడు పసుపు, ఉప్పు, కారం వేసి బాగా కలియబెట్టాలి. టమోటాలు మెత్తగా అయిన తర్వాత గరం మసాలా, కొత్తిమీర తురుము వేసి స్టవ్ ఆఫ్ చేయాలి. ఈ మిశ్రమంలోకి ముందుగా తయారుచేసి పెట్టుకున్న అన్నం ఎక్కడా ఉండలు లేకుండా కలుపుకోవాలి. కేవలం ఐదు నిమిషాల్లోనే ఎంతో రుచికరమైన టమోటా రైస్ తయారైనట్లే.