రుచికరమైన గోధుమ రవ్వ పాయసం ఇలా చేస్తే ఎంతో టేస్టీగా ఉంటుంది..!

మీకు ఏమైనా తినాలనిపిస్తుందా.. అయితే మన ఇంట్లో గోధుమరవ్వ ఉంటే చాలు ఎంతో రుచికరమైన పాయసం క్షణాలలో రెడీ చేయవచ్చు. ఎంతో రుచికరమైన గోధుమ రవ్వ పాయసం చేయడం ఎలానో ఇక్కడ తెలుసుకుందాం.

కావలసిన పదార్థాలు

*గోధుమ రవ్వ ఒక కప్పు

*నెయ్యి కొద్దిగా

*బెల్లం ఒకటిన్నర కప్పు

*కొబ్బరి పాలు రెండు కప్పులు

*ఏలకుల పొడి రెండు టేబుల్ స్పూన్లు

*జీడిపప్పు, ఎండు ద్రాక్ష గుప్పెడు

*నీళ్లు తగినన్ని

తయారీ విధానం

ముందుగా స్టవ్ మీద కడాయి ఉంచి రెండు టేబుల్ స్పూన్ల నెయ్యి వేసుకుని జీడిపప్పు, ఎండు ద్రాక్ష వేసి దోరగా వేయించి పక్కన పెట్టుకోవాలి. అదే కడాయిలో మరి కొద్దిగా నెయ్యి వేసి గోధుమ రవ్వను దోరగా వేయించి పక్కన పెట్టుకోవాలి. ఇప్పుడు కుక్కర్లో బెల్లం తగినన్ని నీళ్లు వేసి బాగా ఉడికించాలి.ఉడుకుతున్న మిశ్రమంలోకి ముందుగా వేయించి పెట్టుకున్న గోధుమరవ్వ వేసి చిన్న మంటపై బాగా కలియబెడుతూ, రవ్వ చిక్కగా అయ్యే వరకు ఉడికించుకోవాలి. ఆ తర్వాత ఇందులోకి కొబ్బరి పాలు, యాలకుల పొడి వేసి మరో రెండు నిమిషాల పాటు ఉడికించాలి. ఇలా ఉడికిన పాయసంలోకి ముందుగా వేయించి పెట్టుకున్న జీడిపప్పు, ఎండు ద్రాక్ష వేసి స్టవ్ ఆఫ్ చేసుకుంటే ఎంతో రుచికరమైన గోధుమ రవ్వ పాయసం తయారైనట్లే.