ఎంతో రుచికరమైన స్వీట్ కార్న్ పాయసం తయారీ విధానం…?

స్వీట్ కార్న్ అంటే ఇష్టపడని వారు. ఎన్నో పోషక విలువలు కూడిన స్వీట్ కార్న్ ఆరోగ్యానికి ఎంతో ప్రయోజనకరం. మరి ఇన్ని పోషక విలువలు కలిగిన స్వీట్ కార్న్ తో పాయసం ఎంతో రుచికరంగా ఉంటుంది. అయితే స్వీట్ కార్న్ పాయసం ఎలా తయారు చేసుకోవాలి ఇక్కడ తెలుసుకుందాం.

కావలసిన పదార్థాలు

*స్వీట్‌ కార్న్‌ 2 కప్పులు

*చిక్కటి పాలు – 4 కప్పులు,

*నెయ్యి – పావు కప్పు,

*పంచదార – అర కప్పు,

*ఏలకుల పొడి – 1 టీ స్పూన్‌,

*పిస్తా, కిస్‌ మిస్,

*జీడిపప్పు,

*బాదం పప్పు – 2 టేబుల్‌ స్పూన్లు.

* కుంకుమ పువ్వు చిటికెడు

తయారీ విధానం

ముందుగా స్వీట్‌ కార్న్‌ ఉడికించి పక్కన పెట్టుకోవాలి. వీటిలో రెండు టేబుల్స్పూన్లు పక్కకు తీసి మిగతా కార్న్స్ మిక్సీలో మెత్తగా గ్రైండ్ చేసుకోవాలి. అదేవిధంగా ఒక కడాయిలో రెండు టేబుల్ స్పూన్ల నెయ్యి వేసుకుని పిస్తా, బాదం, కిస్ మిస్, జీడిపప్పు బాదం పప్పును దోరగా వేయించి పక్కన పెట్టుకోవాలి.
ఇప్పుడు ఒక బౌల్ తీసుకొని అందులోకి మెత్తగా గ్రైండ్ చేసి పెట్టుకున్న కార్న్‌ మిశ్రమంతో పాటు 2 కప్పుల పాలు పోసి మిశ్రమాన్ని బాగా కలపాలి.

స్టవ్‌ ఆన్‌ చేసి గిన్నె పెట్టుకొని కొంచం నెయ్యి వేసి ముందుగా కలిపి పెట్టుకున్న వాళ్లు కార్న్ వేసి చిటపట అనే వరకు ఉడికించాలి. ఆ మిశ్రమంలో మిగిలిన పాలు పోసి కుంకుమపువ్వు వేసి చిన్న మంటపై తరచు కలియబెడుతూ ఉడికించాలి. ఐదు నిమిషాల తర్వాత పంచదార ఏలకుల పొడి వేసి కలపాలి.దించే ముందు
జీడిపప్పు, కిస్‌ మిస్, పిస్తా, భాదం ముక్కల్ని వేసి స్టౌ ఆఫ్ చేయాలి. వేడి వేడిగా ఉన్నప్పుడు ఈ పాయసం తింటే ఎంతో రుచిగా ఉంటుంది.