Roshini : చిరంజీవి మాస్టర్ హీరోయిన్ ఇప్పుడు ఎలా ఉందో చూస్తే అవాక్క‌వుతారు..!

Roshini : తెలుగు తెర‌పై సంద‌డి చేసి ఎంతో మంది ప్రేక్ష‌కుల మ‌న‌సులని గెలుచుకున్న చాలా మంది భామ‌లు ఉన్నారు. వీరిలో కొంద‌రు పెళ్లిళ్లు చేసుకొని వెండితెర‌కి దూర‌మయ్యారు. అయితే కొంద‌రు భామ‌లు మాత్రం బుల్లితెరపై ప్రేక్షకులను అలరిస్తూనే ఉన్నారు. ఆనాటి అందాల తారలు కొందరు ఇటు తెలుగులో బ్లాక్‌బస్టర్ హిట్స్ అందుకున్నారు. కానీ తక్కువ సినిమాలకే పరిమితమయ్యారు. వారిలో ఒకరు రాధిక సదనా ఉరఫ్ రోషిణి. ఈ పేరు చెబితే గుర్తుపెట్టుకోవడం కష్టమే, కానీ మెగాస్టార్ చిరంజీవి నటించిన మాస్టర్ సినిమా అంటే మాత్రం వెంట‌నే గుర్తొస్తుంది.

1997లో విడుదలైన తమిళ కామెడీ చిత్రం శిష్యాతో సినీ రంగంలోకి అడుగుపెట్టింది రోషిణి. ఇక అదే ఏడాది తెలుగులో విడుదలైన మాస్టర్ చిత్రంతో టాలీవుడ్ కు ఎంట్రీ ఇచ్చిన ఈ భామ ఈ చిత్రంలో సెకండ్ హీరోయిన్ గా నటించింది. మాస్టర్ పాత్రలో నటించిన చిరంజీవికి ఫ్లాష్ బ్యాక్ లో జోడీగా అలరించింది. ప్రీతీరావు పాత్రలో ఆకట్టుకోవ‌డంతో ఆ తర్వాత పవిత్ర ప్రేమ, శుభలేఖ వంటి సినిమాల‌లో న‌టించే ఛాన్స్ ద‌క్కించుకుంది. అయితే రోషిణి నటించిన చిత్రాలేవీ పెద్దగా హిట్ కాకపోవడంతో ఆఫర్లు కూడా తగ్గాయి. రెండేండ్లలో తెలుగుతోపాటు తమిళం, కన్నడలోనూ నటించింది.

రోషిణి హీరోయిన్లు నగ్మా, జ్యోతికల చెల్లెలు కాగా, ప్రస్తుతం తన కుటుంబ సభ్యులతో కలిసి ముంబైలో నివసిస్తోంది. 25 ఏండ్లు సినిమాలకు దూరమైన రోషిణి ఇప్పుడు కాస్తా లావైపోయారు. గుర్తుపట్టడం కష్టంగానే ఉంది. ఈక్రమంలో జ్యోతిక‌ ఇటీవల తన సిస్టర్స్ తో దిగిన ఓ ఫొటో వైరల్ అవుతోంది. అయితే జ్యోతిక‌ ఇప్ప‌టికీ త‌న సినిమాల‌తో ప్రేక్ష‌కుల‌ని ఎంత‌గానో అల‌రిస్తున్న‌ప్ప‌టికీ ఆమె సిస్ట‌ర్స్ న‌గ్మా, రోషిణి మాత్రం సినిమాల‌కు దూరంగా ఉంటూ హ్యాపీ లైఫ్‌ని లీడ్ చేస్తున్నారు. అయితే అక్కా చెల్లెళ్లు క‌లిసి క‌ట్టుగా దిగిన పిక్స్ నెట్టింట తెగ హ‌ల్‌చ‌ల్ చేస్తున్నాయి.