Bigg Boss 5 : స‌న్నీపై ష‌ణ్ముఖ్ ఫైర్.. కాజ‌ల్‌పై ఆగ్ర‌హం వ్య‌క్తం చేసిన మాన‌స్..

Bigg Boss 5 : బిగ్ బాస్ 5వ సీజన్ మ‌రి కొద్ది రోజుల‌లో ముగియ‌నుంది. ఈ క్ర‌మంలో ప్రేక్ష‌కుల‌కి మ‌రింత వినోదాన్ని పంచేందుకు వైవిధ్య‌మైన టాస్క్‌లు ఇస్తున్నారు బిగ్ బాస్. మంగళవారం ఇంటి సభ్యులకు ‘రోల్‌ ప్లే’టాస్క్‌ ఇచ్చాడు. ఇందులో భాగంగా బిగ్‌బాస్‌-5 కంటెస్టెంట్స్‌ ఎవరెలా ప్రవర్తించారో చేసి చూపించారు ఇంటి సభ్యులు. దీనిలో భాగంగా.. సన్నీలా సిరి.. షణ్ముఖ్‌లా సన్నీ.. కాజల్‌లా శ్రీరామ్.. ఆనీ మాస్టర్‌లా మానస్.. రవిలా కాజల్.. వారి వారి పాత్రలలో పెర్ఫామెన్స్ ఇరగదీశారు.

ష‌ణ్ముఖ్ పాత్ర పోషించిన స‌న్నీ, సిరి పాత్ర పోషించిన ష‌ణ్ముఖ్‌ని అప్ప‌డం చేశాడు. ప్ర‌తిసారి ఫ్రెండ్ షిప్ హ‌గ్ అంటూ వారి మాదిరిగా స‌న్నీ ర‌చ్చ చేశాడు. అతని యాక్షన్‌కి ఎలా రియాక్ట్ కావాలో తెలియక.. షణ్ముఖ్, సిరిలు వారి వారి పాత్రలోనే ఉండిపోయారు. హే.. హగ్ చేసుకోకు అని షణ్ముఖ్ అంటుంటే.. సన్నీ ఫ్రెండ్ షిప్ హగ్, ఫ్రెండ్ షిప్ హగ్ అని పెర్ఫామెన్స్ ఇరగదీసేశాడు.

టాస్క్ అయిపోయిన తరువాత.. సన్నీ దగ్గరకు వచ్చిన షణ్ముఖ్.. నువ్ చాలా వెకిలి చేష్టలు చేశావ్.. ఇమిటేట్ చేస్తే నాకు అస్సలు నచ్చదు.. ఇమిటేషన్ వేరు.. వెకిలివేరు.. నువ్ చేసినట్టుగా ఎదుటివాళ్లు నీ గురించి చేస్తే బాధ తెలుస్తుంది.. నెక్స్ట్ టైం ఇలా చేయొద్దు అని గట్టిగానే చెప్పాడు షణ్ముఖ్. నేను కామెడీగానే చేశాను.. క్యారెక్టర్‌లో ఉన్నాను.. కాజల్‌ని కూడా తిట్టాను కదా.. నెక్స్ట్ టైం అలా చేయను అంటూ వచ్చి షణ్ముఖ్‌ని హగ్ చేసుకున్నాడు సన్నీ.

టాస్క్‌లో భాగంగా మానస్‌ క్యారెక్టర్‌లో ఉన్న కాజల్‌.. ప్రతిసారి పింకీకి ఐలవ్యూ చెప్పడాన్ని మానస్‌ తప్పుపట్టాడు. ఎంటర్‌టైనింగ్‌ చేస్తున్నామని కాజల్‌ చెప్పబోగా.. ‘ఎంటర్‌టైనింగ్‌గా చేస్తే చేయ్‌.. కానీ 100 సార్లు ఐ లవ్యూ అని ఎవడు చెప్పాడు ? ’ అని కాజల్‌పై మానస్‌ సీరియస్‌ అయ్యాడు. మొత్తానికి 94వ ఎపిసోడ్ స‌ర‌దాగానే సాగింది.