Bigg Boss 5 : అక్కినేని నాగార్జున హోస్ట్‌గా వ్యవహరిస్తోన్న బిగ్గెస్ట్ టెలివిజన్ రియాటీ షో బిగ్బాస్ తెలుగు సీజన్ 5 ముగింపుదశకు చేరుకుంది. ఈ షోలో ఇంకో వారమే మిగిలి ఉంది. హౌజ్ నుండి చివ‌రిగా కాజల్ ఎలిమినేట్ అయింది. ఇప్పటిదాకా సరయు, ఉమాదేవి, లహరి షారీ, నటరాజ్ మాస్టర్, హమీదా ఖాతూన్, శ్వేతా వర్మ, ప్రియ, లోబో, విశ్వ ఎలిమినేట్ అయ్యారు.
ఆరోగ్య కారణాలతో జెస్సీ అలియాస్ జస్వంత్ పడాల బిగ్బాస్ హౌస్‌ను వీడాల్సి వచ్చింది. ఆ తరువాత అనీ మాస్టర్ ఎలిమినేషన్‌ను ఎదుర్కొన్నారు. ఎవరూ ఊహించని విధంగా యాంకర్ రవి సైతం హౌస్‌ను వీడాల్సి వచ్చింది. ఆ తరువాత- ప్రియాంక సింగ్ ఎలిమినేట్ అయ్యారు. బిగ్బాస్ హౌస్‌ను వీడారు. 19 మందితో మొదలైన ఈ రియాలిటీ షోలో ఇప్పుడు కేవ‌లం ఐదుగురు మాత్ర‌మే ఉన్నారు.
అయితే చివ‌రిగా ఎలిమినేట్ అయిన కాజల్ గ‌తంలో తనకు రూ.30 లక్షల అప్పు ఉందని చెప్పుకొచ్చింది. ఇప్పుడు బిగ్ బాస్ ఇచ్చిన రెమ్యున‌రేష‌న్‌తో అది తీర్చుకోనుందనే టాక్ వినిపిస్తోంది. సమాచారం ప్రకారం కాజల్‌కు వారానికి రూ. 2 లక్షల పైనే పారితోషికం ఫిక్స్‌ చేశారట! అంటే 14 వారాలకుగాను కాజల్‌కు 30 లక్షల రూపాయలు ముట్టినట్లు తెలుస్తోంది.
బిగ్ బాస్ సీజన్ మొదలయినప్పటి నుండి కాజల్‌కు నెగిటివిటీ ఎదురయినా.. గత కొంతకాలంగా తాను మానస్, సన్నీలతో ఉంటున్న తీరు తనకు హౌస్‌లోనే కాదు.. ప్రేక్షకుల్లో కూడా సపోర్ట్ పెంచేలా చేసింది. సన్నీకి ఉన్న ఫ్యాన్ బేస్ కాజల్‌కు కూడా కలిసొచ్చింది.
