ఏపీ నిరుద్యోగులకు శుభవార్త.. 3,393 ఉద్యోగాల భర్తీకి నోటిఫికేషన్..

ఆంధ్రప్రదేశ్ నిరుద్యోగులకు ఏపీ ప్రభుత్వం శుభవార్తను తెలిపింది. ఇప్పటికే ఎన్నో ప్రభుత్వ ఉద్యోగాలకు నోటిఫికేషన్ విడుదల చేసిన ఆంధ్రప్రదేశ్ ప్రభుత్వం ఈ ఏడాది కూడా గత నెలలో జాబ్ క్యాలెండర్ ను విడుదల చేసిన సంగతి మనకు తెలిసిందే.ఈ క్రమంలోనే ఆగస్టు నెల నుంచి ప్రతి నెలా వివిధ రకాల ఉద్యోగాల భర్తీకి నోటిఫికేషన్ విడుదల చేయనున్నట్లు పేర్కొన్నారు.

ఈ క్రమంలోనే నవంబర్ నెలలో పలు ఉద్యోగాల భర్తీకి విడుదల చేయనున్న నోటిఫికేషన్ ఆగస్టు నెలలోనే విడుదల చేయడానికి ప్రభుత్వం కసరత్తు చేస్తోంది.జాబ్ క్యాలెండర్ ప్రకారం నవంబర్ నెలలో విడుదల కావాల్సినటువంటి మిడ్‌-లెవల్‌ హెల్త్‌ ప్రొవైడర్‌ (MLHP) ఉద్యోగాలను ఆగస్టు నెలలోనే నోటిఫికేషన్ విడుదల చేసి భర్తీ చేయనుంది.

వైద్య ఆరోగ్య శాఖ నుంచి వచ్చిన సూచనల మేరకు ఈ ఉద్యోగాలను ముందుగానే భర్తీ చేయాలని భావించింది. ఈ క్రమంలోనే ఈ ఉద్యోగాల నోటిఫికేషన్ ఆగస్టులో విడుదల చేయడానికి ఆర్థిక శాఖ కూడా అనుమతి లభించడంతో ఖాళీగా ఉన్నటువంటి 3,393 MLHP ఉద్యోగాలను ఆగస్టు నెలలో నోటిఫికేషన్ విడుదల చేసి కాంట్రాక్ట్ పద్ధతిలో భర్తీ చేయనున్నట్లు ఏపీ ప్రభుత్వం పేర్కొంది.