Sunday Mistakes : ఆదివారం నాడు ఎట్టిపరిస్థితుల్లో.. ఈ తప్పులని చేయకండి..!

Sunday Mistakes : హిందూ మతంలో పలు నియమాలు ఉంటాయి. వాటిని మనం పాటిస్తూ ఉంటాము. పూర్వీకులు పాటించడం, ఆ తర్వాత వాళ్ళు చెప్పినట్టే మనం కూడా చేయడం వంటివి జరుగుతుంటాయి. అయితే, ఆదివారం నాడు పాటించాల్సిన కొన్ని నియమాలు ఉన్నాయి. ఆదివారం కొన్ని పనులను అస్సలు చేయకూడదు.  జ్యోతిష్య శాస్త్రం ప్రకారం, ఆదివారంనాడు ఈ పనులని అసలు చేయకూడదు.

చాలా మంది ఆదివారం ఖాళీగా ఉంటామని, సెలవు అని ఎన్నో పనులు చేసుకుంటూ ఉంటారు. కానీ, వీటిని మాత్రం అసలు చేయకూడదు. ఆదివారం పూట జుట్టు కత్తిరించుకోవడం, గోళ్లు కత్తిరించుకోవడం మంచిది కాదు. ఆదివారం రోజు ఆవాల నూనె తో జుట్టుకి మసాజ్ చేయడం కూడా పెద్ద తప్పు. ఈ తప్పును కూడా చేయకూడదు. ఆదివారం నాడు నీలం, నలుపు, బూడిద రంగు బట్టలు వేసుకోకూడదు. ఆదివారం నాడు ఈ బట్టలు వేసుకోవడం వలన మీకు చెడు జరుగుతుంది.

ఆదివారం సూర్యభగవానుడి రోజు. ఈరోజు బంగారం, నారింజ, గులాబీ, ఎరుపు రంగు బట్టలు వేసుకుంటే, మంచి జరుగుతుంది. గౌరవ మర్యాదలు పెరుగుతాయి. కీర్తి లభిస్తుంది. అలానే, ఆదివారం పూట రాగి మాత్రం వాడకండి. రాగితో తయారు చేసిన వస్తువులను ఆదివారం పూట కొనకూడదు. అదే విధంగా, ఆదివారం నాడు మాంసం, చేపలు, మద్యం వంటివి తీసుకోకూడదు.

ఆదివారం సూర్యుని అనుగ్రహం ఉండాలంటే, బచ్చలి కూర, వెల్లుల్లి, ఉల్లిపాయకి దూరంగా ఉండాలి. చాలా మంది సూర్యభగవానుడిని ప్రసన్నం చేసుకోవాలని అనుకుంటూ వుంటారు. సూర్యుడి అనుగ్రహం ఉండాలంటే, ఇంట్లో గులాబీ మొక్కలని పెంచాలి. ఆదివారాల్లో కోతులకు నీరు ఇవ్వాలి. గోధుమలను నీళ్ళల్లో కలిపి ఆవులకి పెట్టడం మంచిది. ఇలా చేయడం వలన, సూర్యుడి అనుగ్రహం మనకి కలుగుతుంది. అలానే, తండ్రి ని ఆదివారం పూట జాగ్రత్తగా చూసుకోవాలి. అంధులకు ఆదివారం సహాయం చేస్తే మంచిది. ఇలా ఈ పనులు చేయడం వలన సూర్య భగవానుడిని ప్రసన్నం చేసుకోవచ్చు. సూర్యుడి అనుగ్రహం కలిగి, సమస్యలు అన్నింటికీ కూడా దూరంగా ఉండవచ్చు.