ఈ ఏడాది వినాయక చవితి ఎప్పుడు వచ్చింది.. శుభ ముహూర్తం ఎప్పుడు ఉందో తెలుసా ?

హిందూ క్యాలెండర్ ప్రకారం ఆరవ మాసమైన భాద్రపద మాసంలో ప్రతి ఏటా వినాయక చవితి ఉత్సవాలను ఎంతో ఘనంగా జరుపుకుంటారు. భాద్రపద శుక్ల పక్షం చవితి రోజున చతుర్దశి పండుగను జరుపుకుంటారు. ఈ పండుగ రోజు వినాయకుడిని పూజించడం వల్ల అన్ని శుభాలు కలుగుతాయని భక్తులు విశ్వసిస్తారు. ఈ పండుగ రోజు విఘ్నాలను తొలగించే విఘ్నేశ్వరుడిని ప్రతిష్టించిన రోజు నుంచి నిమజ్జనం చేసే వరకు భక్తులు పెద్ద ఎత్తున పూజా కార్యక్రమాలను చేస్తూ నైవేద్యాలను సమర్పిస్తూ వేడుకలను జరుపుకుంటారు.

మరి ఈ ఏడాది వినాయక చవితి పండుగ ఎప్పుడు వచ్చింది, వినాయక చవితి పండుగ రోజు స్వామివారికి పూజ చేయడానికి శుభ ముహూర్తం ఎప్పుడు ఉంది ? అనే విషయాల గురించి ఇక్కడ తెలుసుకుందాం. ఈ ఏడాది వినాయక చవితి పండుగ సెప్టెంబర్ 10వ తేదీ శుక్రవారం వచ్చింది. ఈ రోజున భక్తులు పెద్ద ఎత్తున విఘ్నేశ్వరుడికి పూజలు నిర్వహిస్తారు. ఎంతో పవిత్రమైన ఈ రోజు శుభ తిథి మధ్యాహ్నం 12:18 గంటలకు ప్రారంభమై రాత్రి 9:57 వరకు ఉంటుంది.

వినాయకుడి పూజ చేయడానికి ఉదయం 11:30 గంటల నుండి 1:33 గంటల వరకు మంచి సమయం ఉంది. అందువల్ల ఈ సమయంలో గణేషుడికి పూజలు చేస్తే మంచిది. హిందూ క్యాలెండర్ ప్రకారం భాద్రపద మాసం శుక్ల పక్షంలో వచ్చే చతుర్దశి రోజు వినాయకుడు జన్మించాడని కొందరు భావించగా మరికొందరు వినాయకుడు విఘ్నేశ్వరుడుగా మారిన రోజు కనుక ఈ రోజును వినాయక చవితిగా జరుపుకుంటారని పురాణాలు చెబుతున్నాయి. ఎంతో పవిత్రమైన ఈ రోజు భక్తి శ్రద్ధలతో వినాయకుడిని పూజించడం వల్ల సర్వ శుభాలు కలుగుతాయని పండితులు చెబుతున్నారు.