వామ్మో.. బిర్యాని పెట్టలేదని హోటల్ పై బాంబు వేశారు!

మనం ఏదైనా హోటల్ కి వెళ్లినప్పుడు బిర్యానీ లేదంటే మరో హోటల్ కి వెళ్లి ఆర్డర్ ఇచ్చి తింటాం. అక్కడ కూడా లేదంటే ఆ హోటల్ లో ఏది ఉందో అదితిని వచ్చేస్తాం. కానీ మనం అడిగినది హోటల్ యాజమాన్యం లేదంటే ఎప్పుడైనా హోటల్ పై బాంబులు వెయ్యడం చూశారా. కానీ తమిళనాడు రాష్ట్రంలో బిర్యాని లేదనడంతో ఆగ్రహం చెందిన కస్టమర్లు ఆ హోటల్ పై బాంబు దాడి చేశారు.

అరుణాచలపాండ్యన్, మహారాజన్, గణేశన్‌ అనే ముగ్గురు వ్యక్తులు స్థానికంగా కస్తూరీ భవన్‌ పేరుతో హోటల్‌ నిర్వహిస్తున్నారు. ఈ హోటల్ కి ఎబిన్ అనే రౌడీషీటర్ తన అనుచరులతో కలిసి బిర్యానీ తినడానికి వచ్చారు. అయితే వారు ఆ రౌడీ పేరు చెప్పి వారికి ఉచితంగా బిర్యాని కావాలని హోటల్ యాజమాన్యంతో వాదించారు. అయితే ఉచితంగా అక్కడ బిర్యాని లేదని వారు చెప్పడంతో ఎబిన్ పేరు చెప్పినా కూడా బిర్యానీ లేదంటారా అంటూ ఆగ్రహం చేస్తూ అక్కడి నుంచి వెళ్లిపోయారు.

కొంత సమయానికి 4 బండ్లలో 8 గురు వ్యక్తులు ఆ హోటల్ దగ్గరకు చేరుకొని హోటల్ పై పెట్రోల్ బాంబులు విసిరారు. దీంతో హోటల్ నిర్వాహకులు సదరు రౌడీషీటర్ల పై పోలీసులకు ఫిర్యాదు చేశారు. అయితే ఈ ప్రమాదంలో ఎవరు గాయపడకపోవడం అదృష్టం అని చెప్పవచ్చు.