షూటింగ్ పూర్తి చేసుకున్న RRR.. కేక్ కట్ చేస్తూ సంబరాలు..!

గత రెండు సంవత్సరాల నుంచి ప్రేక్షకులు ఎంతో ఆతృతగా ఎదురుచూస్తున్న సమయం దగ్గర పడుతోంది. టాలీవుడ్ ఇండస్ట్రీలో దర్శక ధీరుడు ఎస్ఎస్ రాజమౌళి ఎంతో ప్రతిష్టాత్మకంగా తెరకెక్కిస్తున్న చిత్రం” RRR”. ఇప్పటికే ఈ సినిమా ప్రేక్షకుల ముందుకు రావాల్సి ఉండగా ఎన్నో కారణాల వల్ల ఈ సినిమా షూటింగ్ వాయిదా పడుతూ వచ్చింది. తాజాగా ఈ సినిమా షూటింగ్ పూర్తి చేసుకుంది.

రాజమౌళి తెరకెక్కిస్తున్న ఈ సినిమాలో స్టార్ హీరోలు ఎన్టీఆర్, రామ్ చరణ్ కీలక పాత్రలో నటిస్తున్న సంగతి మనకు తెలిసిందే. అయితే ఆగస్టు మొదటి వారం చివరి షెడ్యూల్ షూటింగ్ కోసం చిత్రబృందం ఉక్రెయిన్ వెళ్లింది.  అక్కడ షూటింగ్ పూర్తి కావడంతో ఈ సినిమా షూటింగ్ మొత్తం పూర్తయిందని కేవలం ప్యాచ్ వర్క్ మాత్రమే మిగిలి ఉన్నాయని ఈ సందర్భంగా చిత్ర బృందం తెలియజేసింది.

RRR సినిమా షూటింగ్ పూర్తి కావడంతో చిత్రబృందం ఎంతో ఆనందం వ్యక్తం చేస్తూ ఈ సందర్భంగా కేక్ కట్ చేశారు. ప్రస్తుతం ఈ ఫోటోలు సోషల్ మీడియాలో వైరల్ గా మారాయి. సినిమా షూటింగ్ పూర్తి కాగానే ఎన్టీఆర్, రామ్ చరణ్ ఉక్రెయిన్ నుంచి హైదరాబాద్ చేరుకున్నారు. సినిమా షూటింగ్ పూర్తికావడంతో త్వరలోనే ఈ సినిమా విడుదల పై క్లారిటీ వస్తుందని అభిమానులు ఎంతో ఆతృతగా ఎదురుచూస్తున్నారు.