బొమ్మ దద్దరిల్లేలా భీమ్లా నాయక్.. ఫస్ట్ గ్లింప్స్‌!

పవర్ స్టార్ పవన్ కళ్యాణ్ కొంతకాలం విరామం తర్వాత వరుస సినిమాలను చేస్తూ ఎంతో బిజీగా గడుపుతున్నారు.ఈ క్రమంలోనే ఈ ఏడాది “వకీల్ సాబ్” సినిమా ద్వారా ప్రేక్షకుల ముందుకు వచ్చిన పవన్ కళ్యాణ్ అద్భుతమైన విజయాన్ని తన ఖాతాలో వేసుకున్నారు. ప్రస్తుతం క్రిష్ దర్శకత్వంలో “హర హర వీరమల్లు” అనే చిత్రం తెరకెక్కుతోంది. అదేవిధంగా సాగర్ కే చంద్రశేఖర్ దర్శకత్వంలో మలయాళ సూపర్ హిట్ చిత్రమైన ‘అయ్యప్పనుమ్ కోశియమ్’ అనే చిత్రాన్ని తెలుగులో రీమేక్ చేస్తున్నారు.

ఈ చిత్రానికి “భీమ్లా నాయక్” అనే టైటిల్ తో తెరకెక్కుతుంది.ఈ క్రమంలోనే ఇప్పటికే ఈ చిత్రం నుంచి ఫస్ట్ లుక్ పోస్టర్ విడుదల చేయడమే కాకుండా ఈ సినిమాకు సంబంధించిన మేకింగ్ వీడియోను విడుదల చేశారు. తాజాగా స్వాతంత్ర దినోత్సవం సందర్భంగా ఈ సినిమా నుంచి ఫస్ట్ గ్లింప్స్‌ ను విడుదల చేశారు.

ఈ వీడియోలో పవన్ కళ్యాణ్ లుంగీ కట్టుకొని మాస్ లుక్ లో ఎంట్రీ ఇవ్వడం అభిమానులను ఎంతగానో ఆకట్టుకుందని చెప్పవచ్చు. ఫుల్ మాస్ యాక్షన్ సన్నివేశంగా సాగినటువంటి ఈ టీజర్ ప్రేక్షకులను ఎంతగానో ఆకట్టుకుంది.రేయ్ డాని బయటకు రా రా అంటూ సూపర్ డైలాగ్ తో ప్రారంభమైన ఈ టీజర్ ప్రేక్షకులను విపరీతంగా ఆకట్టుకుంది. ప్రస్తుతం టీజర్ సోషల్ మీడియాలో వైరల్ గా మారింది.