ఐదుగురు సీఎంలతో నటించిన నటి ఎవరో తెలుసా?

సినిమా ఇండస్ట్రీ లో ఎన్నో అద్భుతమైన పాత్రలో నటించి, ఎన్నో అవార్డులను దక్కించుకున్న సుప్రసిద్ధ దక్షిణ భారత సినీ నటి మనోరమ జయంతి నేడు. ఎక్కువగా తమిళ సినిమాలలో నటించిన ఈమె సుమారు 1500 చిత్రాలకు పైగా, 1000 నాటక ప్రదర్శనలు ఇచ్చింది. కేవలం తమిళ మాత్రమే కన్నడ, తెలుగు, హిందీ భాషలలో పలు చిత్రాలలో నటించి మంచి గుర్తింపును సంపాదించుకున్న మనోరమను అందరూ ఎంతో ఆప్యాయంగా ఆచి అని పిలిచేవారు.

1987వ సంవత్సరంలోనే ప్రపంచంలోకెల్లా అత్యధిక సినిమాలలో నటించిన నటుడిగా గిన్నిస్ బుక్ రికార్డును సొంతం చేసుకుంది. ఈమె సాధించిన ఈ అద్భుతమైన రికార్డును 2009 వరకు మరెవరు సాధించలేకపోయారు. ఇన్ని సినిమాల్లో నటించిన ఘనత మాత్రమే కాకుండా ఏకంగా ఐదు మంది ముఖ్యమంత్రులతో కలిసి నటించిన ఘనత కూడా మనోరమ దక్కించుకున్నారు.

తమిళనాడు సీఎంగా పని చేసిన జయలలిత, అన్నాదురై, ఎంజీ రామచంద్రన్, కరుణానిధితోపాటు తెలుగు ముఖ్యమంత్రి నందమూరి తారక రామారావు సినిమాలలో నటించిన ఘనత కూడా ఈమె సొంతం చేసుకున్నారు. అదే విధంగా స్టార్ హీరోలు రజనీకాంత్, కమల్ హాసన్ చిత్రాలలో కూడా నటించారు.1958 వ సంవత్సరంలో మాల ఇట్టా మంగై చిత్రం ద్వారా అరంగ్రేటం చేసిన మనోరమ చివరిగా సూర్య నటించిన సింగం-2 లో నటించారు.