కార్తీక దీపం సీరియల్ అంత సూప‌ర్ హిట్ అవ‌డం వెనుక‌ ఉన్న‌ కార‌ణాలు.. ఇవే..!

తెలుగు వారికి కార్తీక దీపం సీరియ‌ల్ గురించి పెద్ద‌గా చెప్పాల్సిన ప‌నిలేదు. ఎంతో హిట్ అయిన సీరియ‌ల్ ఇది. న‌లుగురు క‌లిస్తే దీని గురించే మాట్లాడుకుంటారు. సీరియ‌ల్స్ అంటే కేవ‌లం మ‌హిళ‌లు మాత్ర‌మే చూస్తారు, అని అనే వారు. కానీ కార్తీక దీపం సీరియ‌ల్ ను పురుషులు కూడా ఎంజాయ్ చేస్తున్నారంటే అతిశ‌యోక్తి కాదు.

ఈ సీరియ‌ల్ లో దీప.. వంట‌ల‌క్క‌.. అంద‌రూ అభినందించే పాత్ర‌. ఈమెకు ప్రేక్ష‌కులు ఎంత‌గానో క‌నెక్ట్ అయ్యారు. అయితే ఈ సీరియ‌ల్ అంత‌లా సూప‌ర్ హిట్ అవ‌డం వెనుక రెండు ప్ర‌ధాన కార‌ణాలు ఉన్నాయ‌ని చెప్ప‌వ‌చ్చు. అవేమిటంటే..

సాధార‌ణంగా తెలుగు ప్రేక్ష‌కులు సినిమా లేదా సీరియ‌ల్.. ఏది చూసినా స‌రే ఓన్ (Own) చేసుకుంటారు. అంటే వాటిలో లీన‌మ‌వుతారు. కార్తీక దీపం సీరియ‌ల్‌ను కూడా అలాగే ఓన్ చేసుకున్నారు. ఎందుకంటే ఈ సీరియ‌ల్‌లోని సంఘ‌ట‌న‌లు వాస్త‌వ స్థితి గ‌తుల‌కు ద‌గ్గ‌ర‌గా ఉంటాయి. మ‌న స‌మాజంలో మ‌న ఇంట్లో లేదా ఇరుగు పొరుగు ఇండ్ల‌లో జ‌రిగే సంఘ‌ట‌న‌లే మ‌న‌కు ఈ సీరియ‌ల్‌లో క‌నిపిస్తుంటాయి. అందుక‌నే ఈ సీరియ‌ల్ ప్రేక్ష‌కుల‌కు అంత‌గా న‌చ్చింది. ఇది ఒక కార‌ణంగా చెప్ప‌వ‌చ్చు.

ఇక ఇందులో దీప అనే మ‌హిళ‌ న‌ల్ల‌గా ఉంటుంది. న‌ల్ల‌గా పుట్ట‌డం అనేది త‌ప్పు కాదు. ఒక‌రు ఏ క‌ల‌ర్‌తో జ‌న్మిస్తారు అనేది వారి చేతులో ఉండ‌దు. అయిన‌ప్ప‌టికీ మ‌న దేశంలో న‌ల్ల‌గా ఉండ‌డం అంటే ఎదుటి వారు చిన్న చూపు చూస్తారు. న‌లుపు రంగులో ఉంటే వివ‌క్ష‌ను ప్ర‌ద‌ర్శిస్తారు. మ‌న దేశంలో చాలా మంది ఇలాంటి ఫీలింగ్స్ నే ఎదుర్కొంటున్నారు. కానీ దీప అన్ని స‌మ‌స్య‌ల‌ను త‌ట్టుకుని ముందుకు సాగుతుంది. ఇది వీక్ష‌కుల‌కు న‌చ్చింది. ఈ సీరియ‌ల్ హిట్ అవ‌డం వెనుక ఉన్న ఇంకో కార‌ణం ఇది.

అందుక‌నే ఏ సీరియ‌ల్‌కు రాని టీఆర్‌పీ రేటింగ్స్ దీనికి వ‌స్తున్నాయి. అనేక వెబ్‌సైట్ల‌లోనూ ఈ సీరియ‌ల్ గురించి రోజూ ఎపిసోడ్స్ లో ఏం జ‌రిగింది అని రాస్తున్నారు. పాఠ‌కులు కూడా ఆద‌రిస్తున్నారు. బ‌హుశా ఏ సీరియ‌ల్‌కు ఇంత‌టి ఆద‌ర‌ణ రాలేద‌ని చెప్ప‌డంలో అతిశ‌యోక్తి లేదు.