Actor Shivaji : ఈ సారి బిగ్ బాస్ సీజన్ 7 ఉల్టా పుల్టా అంటూ అందరిలో అనేక అంచనాలు పెంచింది. ఇక అంచనాలకి తగ్గట్టుగానే షో సాగింది. బిగ్ బాస్ సీజన్ 7 విన్నర్ గా ప్రశాంత్ నిలిచాడు. అయితే పల్లవి ప్రశాంత్ అనూహ్యంగా చంచల్ గూడ జైల్లో రిమాండ్ లో ఉన్నాడు. సీజన్ 7 ఫైనల్ ఎపిసోడ్ జరిగిన తర్వాత పోలీసుల మాటను పట్టించుకోకుండా ఫ్యాన్స్ తో ర్యాలీ చేసి ప్రభుత్వ, ప్రైవేట్ ఆస్తుల నష్టానికి కారణమయ్యాడని పల్లవి ప్రశాంత్ మీద పలు రకాల సెక్షన్ల కింద అరెస్ట్ చేశారు. ఆయన అరెస్ట్ తర్వాత కొందరు తప్ప ముఖ్యమైన వారు ఎవరు కూడా స్పందించలేదు. ముఖ్యంగా హౌస్ లో నా బిడ్డ పల్లవి ప్రశాంత్ అనుకుంటూ వచ్చిన శివాజి ఈ అరెస్ట్ వ్యవహరంపై స్పందించకపోవడంతో నెటిజన్స్ సోషళ్ మీడియాలో రచ్చ చేశారు.
ఈ క్రమంలో శివాజీ ఓ వీడియో రిలీజ్ చేశాడు. ‘అందరికీ నమస్కారం. చాలా మంది మిత్రులు నాకు ఫోన్ చేసి ప్రశాంత్ గురించి అడుగుతున్నారు. నేను చెప్పేది ఒక్కటే.. ప్రశాంత్ ఎలాంటి వాడో నాలుగు నెలలు ఒక హౌస్లో ఉండి చూశాను. వాడు చాలా మంచి కుర్రాడు’ అంటూ చెప్పుకొచ్చాడు. ఒక్కోసారి గెలిచాను అన్న ఆనందం మనిషిని డామినేట్ చేయొచ్చు. నేను ప్రశాంత్ గురించి పదే పదే మాట్లాడాల్సిన అవసరం లేదు. ఈ ఇష్యూ అయిన మొదటి గంట నుంచి ఈ క్షణం వరకూ ప్రశాంత్ విషయంలో ఏం జరుగుతుందో ప్రతి సమాచారం నా దగ్గర ఉంది. కాబట్టి నేను ప్రతీది ప్రూఫ్ చేసుకోవాల్సిన అవసరం లేదు’ అని వివరించాడు.
చట్టం తన పని తాను చేసుకుంటుంది. పల్లవి ప్రశాంత్ కి ఏమి అవ్వదు. తనకు నేనున్నా అంటూ చెప్పుకొచ్చారు శివాజి. శివాజి స్పందించడం లేట్ అయ్యేసరికి పల్లవి ప్రశాంత్ తో అతని స్నేహం అంతా హౌస్ లోనేనా బయటకు వచ్చాక జరిగిన విషయాల మీద శివాజి ఎందుకు స్పందించలేదని కొందరు కామెంట్ చేశారు. దానికి వివరణ ఇస్తూ పల్లవి ప్రశాంత్ ఫ్యామిలీ మెంబర్స్ తో తను మాట్లాడుతున్నానని మీ అందరికీ తెలిసేలా నేను కనిపించాలని లేదని అన్నారు. బిగ్ బాస్ సీజన్ 7 లో శివాజి, పల్లవి ప్రశాంత్, యావర్ ఒక జట్టుగా ఆట ఆడారు. వీరు ముగ్గురు టాప్ 5లో నిలిచారు. పల్లవి ప్రశాంత్ సీజన్ విన్నర్ గా టైటిల్ గెలవగా అమర్ దీప్ రన్నరప్ గా నిలిచాడు. శివాజి థర్డ్ ప్లేస్ లో నిలిచాడు. బిగ్ బాస్ ఆరు సీజన్లలో ఎప్పుడు ఇలాంటి సంఘటనలు జరగలేదు. ఈ సారే అలా జరగడం పట్ల కొంత విచారం వ్యక్తం చేస్తున్నారు.
