Immunity : ప్రతి ఒక్కరు కూడా ఆరోగ్యంగా ఉండాలని అనుకుంటారు. అయితే రోగ నిరోధక శక్తి బాగా ఉంటే ఆరోగ్యం కూడా బాగుంటుంది. అనారోగ్య సమస్యలు రావు. ప్రతి ఒక్కరూ ఈ రోజుల్లో రోగనిరోధక శక్తిని పెంచుకోవడానికి చూస్తున్నారు. మంచి ఆహారాన్ని డైట్లో తీసుకుంటున్నారు. రోగనిరోధక శక్తిని ఎలా పెంచుకోవచ్చు అనేది ఆరోగ్య నిపుణులు చెప్పారు. మరి రోగనిరోధక శక్తిని ఎలా పెంచుకోవచ్చు అనే విషయాన్ని ఇప్పుడు తెలుసుకుందాం. గింజలు ఆరోగ్యానికి చాలా మేలు చేస్తాయి. ఈ గింజలను తీసుకోవడం వలన రోగనిరోధక శక్తి బాగా పెరుగుతుంది.
మరి వేటిని తీసుకోవాలి, వేటి ద్వారా రోగనిరోధక శక్తిని పెంచుకోవాలి అనేది తెలుసుకుందాం. బాదం ఆరోగ్యానికి చాలా మేలు చేస్తుంది. బాదంలో పోషకాలు ఎక్కువగా ఉంటాయి. బాదంని తీసుకోవడం వలన చక్కటి లాభాలు ఉంటాయి. ముఖ్యంగా రోగనిరోధక శక్తిని బాదం పెంపొందిస్తుంది. ప్రతిరోజు 5 నుండి 6 బాదం పప్పులను నీళ్లలో నానబెట్టుకుని ఉదయాన్నే తీసుకోవడం వలన రోగనిరోధక శక్తి బాగా పెరుగుతుంది. శరీరంలో వాపులు తగ్గుతాయి. దీర్ఘకాలిక సమస్యలు కూడా ఉండవు.
వాల్ నట్స్ ని తీసుకుంటే కూడా ఆరోగ్యానికి చాలా మేలు కలుగుతుంది. వీటిని తీసుకోవడం వలన గుండె జబ్బులు, క్యాన్సర్ ప్రమాదం కూడా ఉండదు. వాల్ నట్స్ తో మెదడు కూడా ఆరోగ్యంగా ఉంటుంది. స్పెర్మ్ ఆరోగ్యానికి కూడా ఇది సహాయపడుతుంది. ఒమెగా 3 ఫ్యాటీ యాసిడ్స్ కూడా వీటిలో పుష్కలంగా ఉంటాయి. జీడిపప్పుతో కూడా రోగనిరోధక శక్తిని పెంచుకోవచ్చు. జీడిపప్పును తీసుకుంటే కాపర్, ఐరన్ అందుతాయి.
శరీరంలో ఎర్ర రక్త కణాల ఉత్పత్తిని జీడిపప్పు పెంచుతుంది. ఇమ్యూనిటీని కూడా ఇది పెంచుతుంది. పిస్తా కూడా ఆరోగ్యానికి మేలు చేస్తుంది. పిస్తా తీసుకుంటే రోగనిరోధక శక్తి పెరుగుతుంది. విటమిన్ బి6 మొదలు అనేక పోషకాలు వీటిలో ఉంటాయి. ఎండు ద్రాక్షతో కూడా రోగనిరోధక శక్తిని పెంచుకోవచ్చు. యాంటీ బ్యాక్టీరియల్ లక్షణాలని కలిగి ఉంటుంది. అలాగే యాంటీ ఇన్ఫ్లామేటరీ గుణాలు కూడా వీటిలో ఉంటాయి. ఐరన్ ఎక్కువగా వీటిలో ఉంటుంది. రుతుక్రమం సమయంలో మహిళలకు ఇది చాలా మేలు చేస్తుంది. వీటిని రెగ్యులర్ గా తీసుకున్నట్లయితే ఇమ్యూనిటీ పెరుగుతుంది.
