Bithiri Sathi : ప్రస్తుత తరుణంలో యూట్యూబ్ చానల్స్ ఎంత పాపులర్ అయ్యాయో అందరికీ తెలిసిందే. చాలా మంది యూట్యూబ్లో చానల్స్ను రన్ చేస్తూ ఎంతో పాపులర్ అవడమే కాక.. డబ్బులను కూడా సంపాదిస్తున్నారు. ఇక సినిమా తారలు తమ సినిమాల ప్రమోషన్స్ కోసం టీవీ చానల్స్ ను ఆశ్రయించేవారు. కానీ ఇప్పుడు టీవీలతోపాటు యూట్యూబ్ చానల్స్ను కూడా వారు ఆశ్రయిస్తున్నారు. యూట్యూబ్ చానల్లకు ఇంటర్వ్యూలు ఇస్తే సినిమాలకు ప్రమోషన్ బాగా అవుతుంది. అందుకనే చాలా మంది మేకర్స్ తమ సినిమాలకు ప్రమోషన్ కోసం యూట్యూబ్ చానల్స్ ను సంప్రదిస్తున్నారు. ఇక ఈ విషయాన్ని బాగానే వంట బట్టించుకున్న బిత్తిరి సత్తి సినీ తారలను ఇంటర్వ్యూ చేస్తే భారీగానే రెమ్యునరేషన్ తీసుకుంటున్నట్లు తెలుస్తోంది.
యాంకర్ సుమ ఏదైనా ఫంక్షన్కి యాంకరింగ్ చేస్తే సుమారుగా రూ.2 లక్షల నుంచి రూ.3 లక్షల మేర పారితోషికం అందుకుంటుంది. అదే స్థాయిలో బిత్తిరి సత్తి కూడా సినీ మేకర్స్ నుంచి రెమ్యునరేషన్ను అందుకుంటున్నట్లు తెలుస్తోంది. మొన్నామధ్య ఆర్ఆర్ఆర్ ప్రమోషన్స్ కోసం దర్శకుడు రాజమౌళి, తారక్, చరణ్లను సత్తి ఇంటర్వ్యూ చేశాడు. తన దైన యాస, భాష శైలితో వారిని సత్తి ఇంటర్వ్యూ చేసి నవ్వుల పువ్వుల పూయించాడు. దీంతో ఆయన వారి నుంచి భారీగానే రెమ్యునరేషన్ అందుకున్నట్లు తెలుస్తోంది.
ఇక ఆర్ఆర్ఆర్ టీమ్తో ఇంటర్వ్యూ సక్సెస్ అయిన కారణంగా మహేష్ తన సర్కారు వారి పాట కోసం కూడా సత్తికి ఇంటర్వ్యూ ఇచ్చారు. ఈ క్రమంలో ఆ ఇంటర్వ్యూ కూడా సక్సెస్ అయింది. సత్తి చేసిన కామెడీకి మహేష్ కడుపుబ్బా నవ్వారు. అయితే ఇప్పుడు మళ్లీ సత్తి ఎఫ్3 మూవీ టీమ్ను ఇంటర్వ్యూ చేశాడు. దీంతో వెంకటేష్, వరుణ్ తేజ్లు భలే కామెడీని పండించారు. వీరి ఇంటర్వ్యూ వీడియో కూడా వైరల్ అవుతోంది. ఈ క్రమంలోనే సత్తితో ఇంటర్వ్యూ చేయిస్తే సినిమాకు ప్లస్ అవుతుందని మేకర్స్ భావిస్తున్నారట. అందుకనే ఆయన ఈమధ్య కాలంలో దాదాపుగా అన్ని సినిమాలకు చెందిన స్టార్స్తో ఇంటర్వ్యూ చేస్తున్నాడు. ఈ క్రమంలోనే సత్తికి భారీగానే పారితోషికం అందుతుందని తెలుస్తోంది.
ఇక పలు టీవీ చానల్స్లో పనిచేసి మానేసిన సత్తి సొంత యూట్యూబ్ చానల్ ద్వారా ఇలా బాగానే సంపాదిస్తున్నాడని సమాచారం. ఏది ఏమైనా ప్రస్తుతం ఇలా పాపులర్ యూట్యూబ్ చానల్స్ కు ఇంటర్వ్యూలు ఇవ్వడం సినిమా మేకర్స్కు ఎంతో అనుకూల అంశంగా మారింది. సినిమా ప్రమోషన్ వేగంగా జరుగుతుంది. సోషల్ మీడియాలోనే ప్రేక్షకులు ఎక్కువ సమయం గడుపుతున్నారు కనుక అందులో ఇలా ప్రమోషన్ చేస్తే సినిమాకు ఎక్కువ ప్రచారం లభిస్తుంది. కనుకనే మేకర్స్ కూడా ఈ మార్గాన్ని ఎంచుకుంటున్నారు. ఇక ఎఫ్3 మూవీ ఈ నెల 27వ తేదీన రిలీజ్ కానుండగా.. ఈ మూవీ బాక్సాఫీస్ వద్ద ఎలాంటి ప్రదర్శన ఇస్తుందోనని అందరూ ఆసక్తిగా ఎదురు చూస్తున్నారు.
