Devi Vs Vishwak Sen : టీవీ చానల్స్ అంటేనే సహజంగానే రేటింగ్స్ పెంచుకునేందుకు ఏమైనా చేస్తుంటాయి. ఒక సాధారణ వార్తను కూడా సెన్సేషనల్ చేసి రేటింగ్స్ రాబట్టగలవు. ఒక సెలబ్రిటీతో వివాదం పెట్టుకుని నడిరోడ్డుకు ఈడ్చగలవు. వారు తలచుకుంటే ఏమైనా చేస్తుంటారు. అయితే కొన్ని సార్లు అలాంటి చానల్స్ చేసే తప్పులు వారి పరువు మొత్తం పోయేలా చేస్తుంటాయి. ఈ క్రమంలోనే తాజాగా చోటు చేసుకున్ని విశ్వక్ సేన్ వర్సెస్ దేవి వివాదం.. సదరు చానల్ పరువు మొత్తం పోయేలా చేసిందని అందరూ బహిరంగంగానే చర్చించుకుంటున్నారు.
విశ్వక్సేన్ ఒక అప్కమింగ్ హీరో. న్యూస్ చానల్స్ రేటింగ్స్ కోసం ఎలాగైతే ఏం చేసేందుకు అయినా వెనుకాడవో.. అలాగే ఒక ప్రాంక్ వీడియో చేసి ఎలాగైనా సరే తన సినిమాకు పబ్లిసిటీ తేవాలని విశ్వక్ అనుకున్నాడు. కానీ ఒక లాయర్కు అది నచ్చలేదు. హ్యూమన్ రైట్స్ దాకా వెళ్లాడు. అక్కడివరకు ఓకే. కానీ ఇందులో ఆ చానల్ వారు తలదూర్చి రేటింగ్స్ పెంచుకోవడం ఒక డిబేట్ పెట్టారు. అది కూడా బాగానే ఉంది. కానీ ఎప్పుడైతే ఆ హీరోను చిన్న చూపు చూస్తూ ఆ యాంకర్ ఇష్టం వచ్చినట్లు మాట్లాడిందో అక్కడే బెడిసికొట్టింది. వాస్తవానికి ఆమె అలా మాట్లాడకుండా ఆ హీరో చిక్కుకున్న వివాదంపైనే ఫోకస్ పెట్టి ఉంటే బాగుండేది. కానీ ఆమె వ్యక్తిగతంగా విమర్శలు చేసింది. అలా చేస్తే హీరోయే కాదు.. ఎవరైనా సరే ఊరుకోరు. అక్కడే నెటిజన్లకు సైతం నచ్చలేదు. హీరో చేసిన పని నచ్చకపోతే దాన్ని విమర్శించాలి కానీ ఆయనపై వ్యక్తిగతంగా మాట్లాడడం ఎందుకనే ప్రశ్న తలెత్తింది. వెరసి ఆ చానల్ వారు చేసిన ప్రయత్నం పూర్తిగా బెడిసికొట్టింది. ఇది విశ్వక్కు ప్లస్ అయింది.
అయితే మొత్తం వ్యవహారంలో అందరి పరువు పోయింది. కానీ ఆ చానల్ పరువే ఇంకాస్త ఎక్కువ పోయిందని చెప్పవచ్చు. ఆ చానల్ పేరు చెబితేనే నెటిజన్లు ఒంటికాలు మీద లేచే స్థాయికి వారే చెడ్డ పేరు తెచ్చుకున్నారు. ఇక ఆ యాంకర్ పరిస్థితి కూడా దాదాపుగా ఇలాగే మారింది. ఆమె మళ్లీ యథాప్రకారం ఆ చానల్లో ప్రోగ్రామ్లు చేస్తోంది. కానీ ఇంతకు ముందు చూసినట్లు చూడడం లేదు. ఆమెను విమర్శించడమే నెటిజన్లు పనిగా పెట్టుకున్నారు. ఆమె అలా చేయడం ఏమోగానీ.. అలా ఆమెపై మాట్లాడేందుకు ఆమెనే అలుసు ఇచ్చినట్లు అయింది. అయితే రానున్న రోజుల్లో ఆయనా ఆమె వీక్షకుల సానుభూతి పొందుతుందేమో చూడాలి.
