Akhanda Movie : నందమూరి అభిమానులు అంతా ఎంతో ఆసక్తిగా ఎదురు చూస్తున్న బాలకృష్ణ తాజా చిత్రం.. అఖండ. బోయపాటి శ్రీను దర్శకత్వంలో ఈ మూవీ తెరకెక్కింది. డిసెంబర్ 2న ఈ మూవీని విడుదల చేస్తున్నారు. కాగా ఈ మూవీకి సంబంధించి ప్రీ రిలీజ్ వేడుకను ఘనంగా నిర్వహించేందుకు చిత్ర యూనిట్ ప్లాన్ చేసింది.
నవంబర్ 27న హైదరాబాద్లోని మాదాపూర్ శిల్పకళావేదికలో అఖండ మూవీ ప్రీ రిలీజ్ వేడుకను నిర్వహించనున్నారు. ఈ క్రమంలోనే ఈ వేడుకకు సంబంధించిన ఏర్పాట్లను చేస్తున్నారు. ఇక ఈ కార్యక్రమానికి ఐకాన్ స్టార్ అల్లు అర్జున్ చీఫ్ గెస్ట్గా హాజరు కానున్నాడు. ఈ విషయాన్ని చిత్ర యూనిట్ అధికారికంగా ప్రకటించింది.
అఖండ ప్రీ రిలీజ్ వేడుకకు అల్లు అర్జున్ తోపాటు పలు ఇతర ముఖ్య అతిథులు కూడా వస్తున్నట్లు తెలుస్తోంది. అయితే వారు ఎవరు అనేది తెలియడం లేదు. ఈ క్రమంలోనే ఈ మూవీ నుంచి విడుదలైన పాటలు, టీజర్ అందరినీ ఇప్పటికే ఎంతో ఆకట్టుకున్నాయి.
అఖండలో బాలకృష్ణ సరసన ప్రగ్యా జైస్వాల్ హీరోయిన్గా నటించింది. శ్రీకాంత్ విలన్ పాత్రను పోసించారు. అత్యంత భారీ బడ్జెట్తో ద్వారకా క్రియేషన్స్ బ్యానర్పై మిరియాల రవీందర్ రెడ్డి ఈ మూవీని నిర్మించారు.
