Prabhas : టాలీవుడ్ యంగ్ రెబల్ స్టార్ హీరో ప్రభాస్ ప్రస్తుతం పాన్ ఇండియా లెవెల్ లో దూసుకుపోతున్న సంగతి తెలిసిందే. ఇక ఈయనకు టాలీవుడ్ ఇండస్ట్రీలోనే కాకుండా బాలీవుడ్ ఇండస్ట్రీలో కూడా మంచి ఫాలోయింగ్ ఉంది. ప్రస్తుతం వరుస పాన్ ఇండియా సినిమాలతో ఓ రేంజ్ లో దూసుకుపోతున్నాడు ఈ బ్యాచిలర్ కుర్రాడు. ఇదిలా ఉంటే ప్రభాస్ హీరో కాకుండా ఉంటే తాను మరో పని చేసి ఉండేవాడట.
తొలిసారిగా ఈశ్వర్ సినిమాతో సినీ ఇండస్ట్రీకి పరిచయమయ్యాడు ప్రభాస్. ఈ సినిమాతో అంత సక్సెస్ అందుకోకపోయినా తర్వాత నటించిన వర్షం సినిమాతో మంచి క్రేజ్ ను సంపాదించుకున్నాడు. అలా వరుసగా ఎన్నో సినిమాలలో అవకాశాలు అందుకుని స్టార్ హీరోగా ఎదిగి ఎంతో మంది అభిమానులను సంపాదించుకున్నాడు . ఇక పాన్ ఇండియా మూవీ బాహుబలితో బ్లాక్ బస్టర్ హిట్ సంపాదించుకొని పాన్ ఇండియా స్టార్ గా నిలిచాడు.
ప్రభాస్ తాను హీరో కాకపోతే మాత్రం రెస్టారెంట్ బిజినెస్ చేసుకుంటూ ఉండేవాడట. ఈ విషయాన్ని గతంలో తానే స్వయంగా తెలిపాడు. తాను చదివిన చదువుకి ఇంటర్వ్యూలలో పాల్గొనే ఓపిక లేదని, హైదరాబాద్ లో ఉత్తరాది ఆహారాలకు చాలా డిమాండ్ ఉందని ఆ ఉద్దేశంతో రెస్టారెంట్ బిజినెస్ చెయ్యాలనుకున్నానని తెలిపాడు. కానీ హీరోగా అడుగు పెట్టాల్సి వచ్చిందని తెలిపాడు. ప్రస్తుతం ప్రభాస్ రాధేశ్యామ్, సలార్, ఆది పురుష్ వంటి వరుస పాన్ ఇండియా సినిమాలతో బాగా బిజీగా ఉన్నాడు.
