Bigg Boss 5 : 19 మంది సభ్యులతో మొదలైన బిగ్ బాస్ సీజన్ 5 కార్యక్రమం ఆసక్తికరంగా సాగుతోంది. ఇప్పటి వరకు హౌజ్ నుండి 9 మంది వెళ్లిపోగా ప్రస్తుతం 10 మంది హౌజ్లో ఉన్నారు. జస్వంత్ రీసెంట్ గా సీక్రెట్ రూంకి వెళ్లాడు. అతని ఆరోగ్య పరిస్థితి ఏం బాగోలేదు. అతను కూడా బయటకు వస్తాడనే టాక్ నడుస్తోంది. అయితే ఈ వారం నామినేషన్ ప్రక్రియ కాస్త కొత్తగా జరిగిన విషయం తెలిసిందే.
బజర్ మోగిన ప్రతిసారి లివింగ్ ఏరియాలో ఉన్న సంకెళ్లను పట్టుకుని తమకు ఇష్టమైన వాళ్లని విడిపించవచ్చని చెప్పారు. ఆ విడుదలైన సభ్యుడు ఇద్దర్ని నామినేట్ చేయాలని చెప్పారు. ఆ ఇద్దరిలో ఒకరు నామినేట్ అయి జైలుకు వెళ్లాల్సి ఉంటుంది అని చెప్పాడు. ఈ ప్రక్రియ ఆసక్తికరంగా సాగగా, చివరికి జైలులో మానస్, సిరి, సన్నీ, రవిలు మిగిలారు అయితే బిగ్బాస్ మరోసారి యానీ మాస్టర్ కు లక్కీ ఛాన్స్ ఇచ్చాడు.
ఇంటి సభ్యులలో ఒకరిని నేరుగా నామినేట్ చేయాలని ఆదేశించాడు. దీంతో ఆమె మరో ఆలోచన లేకుండా కాజల్ను నామినేట్ చేసింది. మొత్తంగా.. పదవ వారం ఇంటి నుంచి బయటకు వెళ్లేందుకు సిరి, మానస్, సన్నీ, రవి, కాజల్ నామినేట్ అయ్యారు. అయితే వీరిలో కాజల్ ఈ వారం బిగ్ బాస్ హౌస్ నుంచి ఎలిమినేట్ అయ్యిందట. మొదటి నుంచీ ఈమెపై షో ఫాలోవర్స్ లో పాజిటివ్ ఫీడ్ బ్యాక్ కంటే ఎక్కువగా నెగిటివ్ ఫీడ్ బ్యాకే ఎక్కువగా ఉంది. ఈ క్రమంలోనే ఆమెను ఎలిమినేట్ చేశారని అంటున్నారు.
