మొబైల్స్ తయారీదారు ఐక్యూ భారత్లో కొత్తగా ఐక్యూ7 5జి (iQOO 7 5G) పేరిట ఓ స్మార్ట్ ఫోన్ను లాంచ్ చేసింది. ఇందులో 6.62 ఇంచుల ఫుల్ హెచ్డీ ప్లస్ డిస్ప్లేను ఏర్పాటు చేశారు. దీనికి 120 హెడ్జ్ రిఫ్రెష్ రేట్ను అందిస్తున్నారు. స్నాప్డ్రాగన్ 870 ప్రాసెసర్ ఉంది. కనుక 5జి కి సపోర్ట్ లభిస్తుంది.
ఈ ఫోన్లో వెనుక వైపు 48 మెగాపిక్సల్ మెయిన్ కెమెరాతోపాటు మరో 13 మెగాపిక్సల్ అల్ట్రా వైడ్ కెమెరా, 2 మెగాపిక్సల్ మోనో డెప్త్ సెన్సార్ లను ఏర్పాటు చేశారు. ముందు వైపు 16 మెగాపిక్సల్ కెమెరా ఉంది. ఈ ఫోన్లో 4400 ఎంఏహెచ్ బ్యాటరీ లభిస్తుంది. దీనికి 66 వాట్ల ఫాస్ట్ చార్జింగ్ ఫీచర్ను అందిస్తున్నారు. దీని వల్ల ఈ ఫోన్ కేవలం 1 గంటలోనే 0 నుంచి 100 శాతం చార్జింగ్ పూర్తవుతుంది.
ఐక్యూ 7 5జి ఫీచర్లు
- 6.62 ఇంచ్ ఫుల్ హెచ్డీ ప్లస్ అమోలెడ్ డిస్ప్లే, 2400×1080 పిక్సల్స్ స్క్రీన్ రిజల్యూషన్
- 120 హెడ్జ్ రిఫ్రెష్ రేట్, ఆక్టాకోర్ స్నాప్డ్రాగన్ 870 ప్రాసెసర్, 8/12 జీబీ ర్యామ్, 128/256 జీబీ స్టోరేజ్
- ఆండ్రాయిడ్ 11, డ్యుయల్ సిమ్, 48, 13, 2 మెగాపిక్సల్ బ్యాక్ కెమెరాలు, 16 మెగాపిక్సల్ ఫ్రంట్ కెమెరా
- ఇన్ డిస్ప్లే ఫింగర్ ప్రింట్ సెన్సార్, 5జి, డ్యుయల్ 4జి వీవోఎల్టీఈ, డ్యుయల్ బ్యాండ్ వైఫై
- బ్లూటూత్ 5.1, యూఎస్బీ టైప్ సి, 4400 ఎంఏహెచ్ బ్యాటరీ, ఫాస్ట్ చార్జింగ్
ఐక్యూ 7 5జి స్మార్ట్ ఫోన్ సాలిడ్ ఐస్ బ్లూ, స్టార్మ్ బ్లాక్ కలర్ ఆప్షన్లలో విడుదలైంది. ఈ ఫోన్కు చెందిన 8జీబీ ర్యామ్, 128 జీబీ స్టోరేజ్ మోడల్ ధర రూ.31,990 గా ఉండగా, 8జీబీ ర్యామ్, 256 జీబీ స్టోరేజ్ మోడల్ ధర రూ.33,990గా ఉంది. 12 జీబీ ర్యామ్, 256 జీబీ స్టోరేజ్ మోడల్ ధర రూ.35,990గా ఉంది. ఈ ఫోన్ను మే 1వ తేదీ నుంచి అమెజాన్ తోపాటు ఐక్యూ ఆన్లైన్ స్టోర్లో ఎక్స్క్లూజివ్గా విక్రయించనున్నారు.
లాంచింగ్ సందర్భంగా ఐసీఐసీఐ క్రెడిట్ కార్డులతో ఈ ఫోన్పై రూ.2000 తగ్గింపు ధరను అందివ్వనున్నారు. అమెజాన్ కూపన్స్తో మరో రూ.2000 తగ్గింపు ధర లభిస్తుంది. 6 నెలల వరకు నో కాస్ట్ ఈఎంఐ సదుపాయం అందిస్తారు.
