Ghost : ఇలా మీకు కూడా జ‌రిగిందా.. అయితే మీరు దెయ్యాన్ని చూసిన‌ట్లే..!

Ghost : దెయ్యం అంటే ప్రతి ఒక్కరూ భయపడి పోతారు. కొంతమంది దెయ్యాలు ఉన్నాయని వాదిస్తూ ఉంటే, కొంతమంది దెయ్యాలు లేవు అని అంటూ ఉంటారు. నిజానికి దెయ్యం అనగానే ప్రతి ఒక్కరిలోనూ ఎంతో భయం వస్తుంది. చెమటలు పట్టేయడం, కుంగిపోవడం, చేతులు చల్లగా మారిపోవడం ఇలా జరుగుతుంది. దెయ్యం అంటే చాలా మందిలో టెన్షన్ మొదలవుతుంది. అయితే మీరు దెయ్యాన్ని చూశారని నిర్ధారించుకోవడానికి పలు గుర్తులు ఉన్నాయి. వీటి ద్వారా మనం దెయ్యం కనిపించిందని తెలుసుకోవచ్చు.

ఎవరైనా మీ పేరుతో పిలుస్తున్నట్లు మీకు అనిపించినట్లయితే దెయ్యం ఉన్నట్లు అర్థం. మీరు తప్ప ఎవరూ లేనప్పుడు మీ పేరుని ఎవరో పిలుస్తున్నట్లు మీకు వినిపిస్తే అక్కడ దెయ్యం సంచరిస్తున్నట్లు మీరు అర్థం చేసుకోవాలి. మీ కుక్క మీరు ఉన్నప్పుడు కూడా అరుస్తూ ఉన్నట్లయితే అక్కడ దెయ్యం సంచరిస్తున్నట్లు మీరు అర్థం చేసుకోవచ్చు. మీ ఇంటికి సంబంధించినది కాకుండా ఎక్కడి నుండో దుర్వాసన కానీ సువాసన కానీ వస్తున్నట్లు వచ్చి మళ్లీ మాయమైపోతున్నట్లయితే కూడా అది దెయ్యానికి సంకేతం అని చెప్పొచ్చు.

కొంచెం సేపు చలి వల్ల గడ్డ కట్టినట్లు భావన కలిగినట్లయితే అక్కడ దెయ్యం ఉన్నట్లు మీరు అర్థం చేసుకోవాలి. మిమ్మల్ని ఒక గాలి తెమ్మెర తాకుతూ వెళ్లినట్లు భావన మీకు కలిగినట్లయితే కూడా దెయ్యం ఉన్నట్లు మీరు అర్థం చేసుకోవాలి. మీ ఇంటిలో విద్యుత్ కి ఏ విధమైన సమస్య లేకున్నా షార్ట్ స‌ర్క్యూట్ అయిన‌ట్లు కనబడుతున్నట్లయితే కూడా అక్కడ దెయ్యం సంచరిస్తున్నట్లు అర్థం చేసుకోవాలి.

మీ భుజం మీద ఒక గట్టి శ్వాసను అనుభూతి చెందుతున్నట్లయితే అక్కడ దెయ్యం ఉందని అర్థం చేసుకోవాలి. అయితే ఇటువంటివి చాలా అరుదుగా కనపడుతుంటాయి. అదే విధంగా దెయ్యం ఉన్నట్లయితే పాదముద్రల ధ్వని, కాళ్ళ గజ్జెల శబ్దం, ఎక్కడి నుండో తెలియకుండా సంగీతం వినపడడం, ఇటువంటివి జరిగితే కూడా దెయ్యం ఉన్నట్లు మీరు అర్థం చేసుకోవాలి.