గ్యాస్ కొరత భయం.. అక్షయ్ కుమార్ భార్య ముందస్తు ప్లాన్! ఎలక్ట్రిక్ స్టవ్స్ ఆర్డర్..

ఇరాన్-ఇజ్రాయెల్ యుద్ధం ప్రభావంతో దేశంలో ఎల్పీజీ సిలిండర్ల సరఫరాపై పడుతున్న ప్రభావంపై బాలీవుడ్ సూపర్ స్టార్ అక్షయ్ కుమార్ స్పందించారు. ముంబైలో జరిగిన బీఎంసీ నిర్వహించిన ముంబై క్లీన్ లీగ్ కార్యక్రమం సందర్భంగా ఈ విషయంపై మాట్లాడారు. ఈ పోటీ నగరవ్యాప్తంగా నిర్వహిస్తున్న శుభ్రత కార్యక్రమం. ఈ కార్యక్రమంలో అక్షయ్ కుమార్ మాట్లాడుతూ ప్రస్తుతం నా ఇంట్లో గ్యాస్ కొరత లేదు. కానీ నా భార్య ట్వింకిల్ ఇప్పటికే బ్యాకప్‌గా రెండు ఎలక్ట్రిక్ స్టవ్‌లను ఆర్డర్ చేసింది. అవి ఇంటికి వచ్చాయో లేదో నాకు తెలియదు.. అని తెలిపారు. తదుపరి ప్రియదర్శన్ దర్శకత్వంలో తెరకెక్కుతున్న హారర్ కామెడీ చిత్రం భూత్ బంగ్లాలో నటించనున్న అక్షయ్ కుమార్, ఈ కార్యక్రమానికి తాను నేరుగా సినిమా షూటింగ్ నుంచి వచ్చానని చెప్పారు.

మ‌న‌కు శుభ్ర‌త చాలా ముఖ్యం: అక్ష‌య్ కుమార్‌

ఈ రోజు షూటింగ్ నుంచి సమయం కేటాయించి ఇక్కడికి వచ్చాను. ఎందుకంటే ఈ విషయం (శుభ్రత) చాలా ముఖ్యమైనది. మనం సానుకూల దృక్పథంతో ముందుకు సాగాలి.. అని ఆయన అన్నారు. ఇటీవల జరిగిన ఒక కార్యక్రమంలో అక్షయ్ కుమార్‌ను ధురంధర్ సినిమాలో నటించాలని అనిపించలేదా అని ప్రశ్నించారు. ఆ చిత్రానికి తాను సరిపోతానని భావిస్తున్నారా అని అడిగారు. దానికి ఆయన స్పందిస్తూ.. అలా అనిపించి ఉండొచ్చు, కానీ దర్శకుడు ఆదిత్య ధర్ అలా అనుకోలేదేమో. అందుకే నాకు ఆ అవకాశం రాలేదు.. అని చెప్పారు. అక్షయ్ కుమార్ తన సూర్యవంశీ సహనటుడు రణవీర్ సింగ్ నటించిన ధురంధర్ చిత్రాన్ని ప్రశంసించారు.

ప్రేక్ష‌కులకు ఏం కావాలో మ‌న‌కు తెలియ‌దు..

ఉదాహరణకు ధురంధర్ చిత్రాన్ని తీసుకుంటే, అది పూర్తిస్థాయి యాక్షన్ చిత్రం. మొత్తం సినిమా యాక్షన్, హింస చుట్టూనే తిరుగుతుంది. ప్రేక్షకులు దాన్ని ఎంతో ఇష్టపడ్డారు, ఆస్వాదించారు. రణవీర్ సింగ్ వంటి హీరో తీవ్ర యాక్షన్ సన్నివేశాలు చేస్తూ, ఉత్సాహభరితంగా నటించాడు. అతను పూర్తి స్థాయి యాంగ్రీ యంగ్ మ్యాన్ ఇమేజ్‌ను కలిగి ఉన్నాడు. కాలానుగుణంగా అన్నీ మారుతూ ఉంటాయి. ప్రస్తుతం హారర్ కామెడీల సమయం వచ్చింది. ప్రజలు వాటిని ఎక్కువగా ఇష్టపడుతున్నారు. స్త్రీ చిత్రం పెద్ద విజయం సాధించింది. ప్రేక్షకులు తర్వాత ఏం ఇష్టపడతారో మనకు ముందుగా తెలియదు.. అని ఆయన అన్నారు.

కాగా భూత్ బంగ్లా సినిమాతో పాటు అక్షయ్ కుమార్, రోహిత్ శెట్టి దర్శకత్వంలో తెరకెక్కుతున్న బడ్డీ కామెడీ చిత్రం గోల్‌మాల్ 5 లో కూడా నటించనున్నారు. ఈ చిత్రంలో అజయ్ దేవగన్, అర్షద్ వార్సీ, తుషార్ కపూర్, శ్రేయాస్ తల్పాడే, కునాల్ కెమ్ము కూడా కీలక పాత్రల్లో కనిపించనున్నారు.