Costumes : సినిమాల్లో న‌టీన‌టుల‌ దుస్తులు మురికిగా క‌నిపించాలంటే.. ఏం చేస్తారో తెలుసా..?

Costumes : సాధార‌ణంగా సినిమా అంటేనే రిచ్‌గా తీయాలి. అన్నింటిలోనూ ప్రొడ‌క్ష‌న్ విలువ‌లు చాలా రిచ్‌గా ఉండాలి. లేదంటే క్వాలిటీ అవుట్ పుట్ రాదు. ఇక సినిమాలో ప్ర‌తి చిన్న విష‌యాన్ని కూడా డైరెక్ట‌ర్ చాలా జాగ్ర‌త్త‌గా ప‌రిశీలించాలి. లేదంటే చిన్న త‌ప్పు దొర్లినా చాలు.. ప్రేక్ష‌కులు ట్రోల్ చేస్తారు. అయితే సాధార‌ణంగా సినిమాల్లో హీరోలు, హీరోయిన్లు లేదా ఇత‌ర న‌టీన‌టులు ధ‌రించే దుస్తులు బ్రాండెడ్‌వే అయి ఉంటాయి. వాటిని రెంట్‌కు తీసుకువ‌స్తుంటారు. లేదా కొన్ని సార్లు న‌టీన‌టులే త‌మ సొంత దుస్తుల‌ను ధ‌రించి షూటింగ్‌లో పాల్గొంటారు.

అయితే అంతా బాగానే ఉంది. కానీ సినిమాలో డీ గ్లామ‌ర్ లుక్‌లో న‌టీన‌టులు ధ‌రించాల్సి వ‌స్తే.. అప్పుడు బ్రాండెడ్ దుస్తుల‌ను ధ‌రించేందుకు వీలు కాదు. మురికిగా ఉండే దుస్తుల‌నే ధ‌రించాలి. మ‌ర‌లాంట‌ప్పుడు దుస్తుల‌కు మురికి పూస్తారా.. మురికిలో ముంచాక దుస్తుల‌ను న‌టీన‌టులు వేసుకుంటారా.. అంటే.. కాదు.. దుస్తులు మురికిగా క‌నిపించేందుకు ద‌ర్శ‌కులు ఒక టెక్నిక్ వాడ‌తారు. అది ఏదంటే..

రంగ‌స్థ‌లం, పుష్ప సినిమాల్లో న‌టీన‌టులు అంద‌రూ డీ గ్లామ‌ర్ లుక్‌లో క‌నిపించారు. అంద‌రి దుస్తులు మురికిగానే ఉంటాయి. అయితే దుస్తులు అలా మురికిగా క‌నిపించేందుకు వారి దుస్తుల‌ను టీ లేదా కాఫీల‌లో ముంచి తీస్తారు. త‌రువాత ఎండ‌బెడ‌తారు. అనంత‌రం వాటిని ధ‌రిస్తారు. దీంతో దుస్తులు మురికిగా క‌నిపిస్తాయి. క్యారెక్ట‌ర్‌కు త‌గిన‌ట్లు ఉంటాయి. అయితే ఈ విష‌యాన్ని సుకుమార్ గ‌తంలో ఒక‌సారి చెప్పారు. అందువ‌ల్లే అంద‌రికీ ఈ విష‌యం తెలిసింది.