Tollywood : ఇద్ద‌రు సీనియర్ క్యారెక్టర్ ఆర్టిస్టులపై బ్యాన్.. అంత ఆగ్ర‌హం ఎందుకు వ‌చ్చిన‌ట్టు..?

Tollywood : టాలీవుడ్ సినీ ఇండస్ట్రీలో లేటెస్ట్ గా ఓ హాట్ టాపిక్ హల్ చల్ అవుతోంది. ఆ ఇద్దరు నటీనటులపై అనఫిషియల్ బ్యాన్.. అనే వార్తతో మార్మోగిపోతోంది. ఇద్దరూ క్యారెక్టర్ ఆర్టిస్టులు కావడం మరో హైలెట్. సినీ ఇండస్ట్రీలో జరుగుతున్న వివాదాలు తెలుసుకున్న వీరిద్దరు క్యారెక్టర్ ఆర్టిస్టులు ఎవరు ? అనే విషయంలో వారెవరు అనేది ఇట్టే అర్థమవుతోంది. అయితే ఇండస్ట్రీ మొత్తం వీరిపై బ్యాన్ పెట్టడం లేదు. కేవలం కొంతమంది హీరోలు, నిర్మాతలు మాత్రమే బ్యాన్ చేస్తున్నట్లు తెలుస్తోంది.

ఈ క్రమంలో తమపై కామెంట్స్ చేసిన వారికి తమ సినిమాల్లో పాత్రలు ఇవ్వడం లేదంటూ ఓ వాదన వినిపిస్తోంది. తమ నోరును అదుపులో పెట్టుకోకుండా మీడియా ముందు కామెంట్స్ చేయడమే వారిని ఇబ్బందులకు గురి చేస్తున్నాయి. అందులోనూ వారిద్దరూ సీనియర్ నటులే కావడం విశేషం. ఓ వర్గం హీరోల గ్రూప్ అయితే తాము నటించే సినిమాలకు వీరిద్దర్ని తీసుకోవద్దని చెప్పారని అనుకుంటున్నారు. తమ సినిమాల్లో ఒక్క వేషం కూడా ఇవ్వకూడదని ఫిక్స్ అయ్యారట.

అయితే ఈ హీరోలు ఎవరూ కూడా తమ అభిప్రాయాల్ని అదుపులో పెట్టాలనే ఆలోచనను మీడియా ముందు చెప్పడానికి సిద్ధంగా లేరట. ఇప్పటికే ఓ యంగ్ హీరో సినిమా నుండి ఈ సీనియర్ ఆర్టిస్ట్ ని పక్కన పెట్టేశారని అనుకుంటున్నారు. దాదాపుగా నాలుగు రోజుల సినిమా షూటింగ్ తర్వాత వీరిని తీసేసి.. వారి ప్లేస్ లో మరో సీనియర్ కమెడియన్ ను తీసుకోవాలని చూస్తున్నారట. ఈ మధ్యకాలంలో పాత్రలు లేక.. టీవీ షోస్ లో ప్రోగ్రామ్స్ చేసుకుంటున్న ఓ స్టార్ కమెడియన్ కు మళ్ళీ వేషాలు ఇవ్వాలని చూస్తున్నారని టాలీవుడ్ సినీ వర్గాల సమాచారం. ఈ క్రమంలో ఇలా బ్యాన్ చేసిన క్యారెక్టర్ ఆర్టిస్టులను మరో సినీ వర్గం తన చెంతకు చేర్చుకునే ఆలోచనలో ఉందట.