Tea Glass Scene : స‌ర్కారు వారి పాట‌లో ఆ సీన్‌.. ప‌వ‌న్ జ‌న‌సేన గాజు గ్లాస్‌ను టార్గెట్ చేసి తీశారా..?

Tea Glass Scene : సూపర్ స్టార్ మ‌హేష్ బాబు లేటెస్ట్‌గా న‌టించిన చిత్రం.. స‌ర్కారు వారి పాట‌. ఈ సినిమాలో ఆయన స‌ర‌స‌న కీర్తి సురేష్ హీరోయిన్‌గా న‌టించింది. స‌మాజానికి మెసేజ్ ఇచ్చేలా ఈ మూవీ ఉంద‌ని ప్రేక్ష‌కులు చెబుతున్నారు. బ్యాంకింగ్ కుంభ‌కోణం నేప‌థ్యంలో తెర‌కెక్కించిన ఈ మూవీని అన్ని వ‌ర్గాల ప్రేక్ష‌కులు ఆద‌రిస్తున్నారు. అయితే టిక్కెట్ల ధ‌ర‌లు ఎక్కువ‌గా ఉన్నాయ‌నే కార‌ణంతోనే చాలా మంది థియేట‌ర్ల‌కు వెళ్ల‌డానికి ఆస‌క్తిని చూపించ‌డం లేద‌ని తెలుస్తోంది. అయితే ఇదిలా ఉండ‌గా.. తాజాగా ఈ మూవీలోని ఒక సీన్ వివాదాస్ప‌దంగా మారింది. ఆ సీన్‌ను జ‌న‌సేన పార్టీని ఉద్దేశించి తీసింద‌ని అంటున్నారు. ఇక అస‌లు విష‌యానికి వ‌స్తే..

స‌ర్కారు వారి పాట మూవీలో.. ఒక సీన్‌లో రిక‌వ‌రీ ఏజెంట్‌గా ప‌నిచేస్తున్న ప్ర‌భాస్ శ్రీ‌ను గొంతులోకి గాజు గ్లాస్‌ను పంపిస్తారు. దీంతో ఈ విష‌యం చ‌ర్చ‌నీయాంశంగా మారింది. అయితే గొంతులోకి గాజు గ్లాస్ వెళ్ల‌గానే.. ఏంటండి బాబు, ఇప్పుడు ఇది ఎలా బ‌య‌ట‌కు వ‌స్తుంది.. అని అత‌ను ప్ర‌శ్నిస్తాడు. దీనికి బ‌దులుగా.. రిక‌వ‌రీ ఏజెంట్‌వి క‌దా.. రిక‌వ‌రీ చెయ్యి.. అంటూ మ‌హేష్ డైలాగ్ చెబుతారు. దీంతో ఈ విష‌యం ప్ర‌స్తుతం హాట్ టాపిక్ గా మారింది.

ప‌వ‌న్ క‌ల్యాణ్ జ‌న‌సేన పార్టీ గుర్తు కూడా గాజు గ్లాసే. దీంతో ఆయ‌న‌ను, ఆయ‌న పార్టీని టార్గెట్ చేసి ఆ సీన్‌ను తీశార‌ని.. ప‌వ‌న్ ఫ్యాన్స్, జ‌న‌సేన కార్య‌కర్త‌లు ఆరోపిస్తున్నారు. అయితే అదేదో సాధార‌ణ సీనే అని.. అందులో ఇంత రాద్ధాంతం చేయాల్సిన ప‌నిలేద‌ని.. మ‌రోవైపు ప‌వ‌న్ ఫ్యాన్స్ అంటున్నారు. ఇక ఈ విష‌యం ఏ మ‌లుపు తిరుగుతుందో చూడాలి.