Sri Reddy Chicken Lollipops : చికెన్ లాలిపాప్స్‌తో నోరూరిస్తున్న శ్రీ‌రెడ్డి.. త‌న బావ‌కు అవి చాలా ఇష్ట‌మ‌ట‌.. వీడియో..!

Sri Reddy Chicken Lollipops : సోష‌ల్ మీడియాలో శ్రీ‌రెడ్డి చేస్తున్న ర‌చ్చ ఈ మ‌ధ్య‌కాలంలో మామూలుగా ఉండ‌డం లేదు. ఈ అమ్మ‌డు గ‌తంలో స‌మాజంలో జ‌రుగుతున్న అనేక విష‌యాల‌పై స్పందిస్తూ ఉండేది. ముఖ్యంగా నాగ‌బాబు కుమార్తె విష‌యంలో ఈమె ఆయ‌నను తీవ్రంగా విమ‌ర్శించింది. అయితే ఇప్పుడు ఆ జోరును క‌న‌బ‌ర‌చ‌డం లేదు. కానీ సోష‌ల్ మీడియాలో త‌న సొంత పోస్టుల‌తో బిజీగా మారింది. ఎల్ల‌ప్పుడూ అందులో వంట‌ల వీడియోల‌ను పోస్ట్ చేస్తూ అల‌రిస్తోంది. ఇప్ప‌టికే అనేక ర‌కాల వంటకాల‌ను శ్రీ‌రెడ్డి వండి అల‌రించింది. చికెన్‌, మ‌ట‌న్‌, పీత‌లు, చేప‌లు.. ఇలా ప‌లు నాన్‌వెజ్ వంట‌ల‌తో శ్రీ‌రెడ్డి అద‌ర‌గొట్టేసింది.

శ్రీ‌రెడ్డి యూట్యూబ్‌లో వంట‌ల వీడియోలు మాత్ర‌మే కాకుండా ప‌లు రెస్టారెంట్ల‌కు వెళ్లి అక్క‌డ ఫుడ్‌ను టేస్ట్ చేసి వాటికి రివ్యూల‌ను కూడా ఇస్తోంది. అందులో భాగంగానే ఆమె ఇటీవ‌లే రెండు రెస్టారెంట్స్‌కు సైతం వెళ్లింది. ఒక రెస్టారెంట్‌లోని ఫుడ్‌కు 10కి 10 మార్కులు ఇవ్వ‌గా.. ఇంకో రెస్టారెంట్‌లో మాత్రం 10కి 6 మార్కుల‌నే ఆమె ఇచ్చింది. అలాగే ఇటీవ‌లే ఆమె ఓ బంగారం షాపుకు వెళ్లి భారీ ఎత్తున బంగారం కొనుగోలు చేసింది. తాను ఏదో కొద్దిగా బంగారం కొందామ‌ని వెళితే త‌న‌తో షాపు మొత్తాన్ని వారు కొనిపించార‌ని ఆమె పోస్ట్ పెట్టింది. దీంతో ఆ పోస్ట్ వైర‌ల్ అయింది. ఇక తాజాగా శ్రీ‌రెడ్డి మ‌రో వంట వీడియోతో మ‌న ముందుకు వ‌చ్చింది. ఆమె చికెన్ లాలిపాప్స్‌ను వండింది.

శ్రీ‌రెడ్డి చికెన్‌ను శుభ్రంగా క‌డిగి వాటికి మ‌సాలాలు అన్నీ ప‌ట్టించి వాటితో లాలిపాప్స్ చేసింది. మ‌న‌కు బ‌య‌ట స‌హ‌జంగానే ఇవి రెస్టారెంట్ల‌లో ల‌భిస్తాయి. ఇళ్ల‌లో వీటిని త‌యారు చేసుకోవ‌డం త‌క్కువ‌. కానీ వీటి టేస్ట్ భ‌లేగా ఉంటుంది. ఇక వీటి త‌యారీ విధానాన్ని ఆమె వివ‌రిస్తూ వీటిని వండేసింది. దీంతో శ్రీ‌రెడ్డి వండిన చికెన్ లాలిపాప్స్ చూస్తుంటేనే నోరూరిపోతున్నాయి. కాగా ఈ లాలిపాప్స్ అంటే త‌న బావ‌కు ఎంత‌గానో ఇష్ట‌మని ఆమె తెలియ‌జేసింది. ఈ క్ర‌మంలోనే ఈమె లేటెస్ట్ వీడియో సోష‌ల్ మీడియాలో ట్రెండ్ అవుతోంది.