Ram Gopal Varma : ఆర్ఆర్ఆర్ సినిమా ఒక స‌ర్క‌స్.. వివాదాస్ప‌దం అవుతున్న రామ్ గోపాల్ వ‌ర్మ కామెంట్స్..

Ram Gopal Varma : రామ్ గోపాల్ వ‌ర్మ ఎప్పుడూ వివాదాల ద్వారానే ప‌బ్లిసిటీ కోరుకునే వ్య‌క్తి. త‌న మ‌న‌సులోని మాట‌ల‌ను నిర్మొహ‌మాటంగా బ‌య‌ట పెట్టేస్తూ ఉంటాడు. అవి కాస్తా వివాదాల‌ను సృష్టిస్తూ ఉంటాయి. దీంతో అత‌ను అంద‌రి దృష్టిలో ప‌డుతూ ఉంటాడు. ఒక ర‌కంగా త‌న‌కు కావ‌ల్సింది కూడా అదే అని చెప్తూ ఉంటాడు. అందుకే వివిధ సంద‌ర్భాల్లో అలాంటి వాఖ్య‌లు చేస్తూ ఉంటాడు. అయితే ఆయ‌న ఇదివ‌ర‌కే అమెరికా లాంటి పాశ్చాత్య దేశాల్లో ఆర్ఆర్ఆర్ సినిమాని గే స్టోరీ గా అభివ‌ర్ణించార‌ని కామెంట్ చేసిన విష‌యం తెలిసిందే. ఇప్పుడు తాజాగా ఆయ‌న ఆర్ఆర్ఆర్ సినిమాను స‌ర్క‌స్ లా ఉంద‌ని అన్నాడు.

ఆర్జీవీ తాజాగా ఒక యూట్యూబ్ ఛాన‌ల్ కి ఇచ్చిన ఇంట‌ర్య్వూలో మాట్లాడుతూ.. త‌న‌కి ఆర్ఆర్ఆర్ సినిమాను చూస్తుంటే స‌ర్క‌స్ చూసిన‌ట్టుగా అనిపించింద‌ని అన్నారు. ఇంకా త‌న‌కు ఎవ‌రినీ కించ ప‌రిచే ఉద్దేశం లేద‌ని, త‌నని త‌ప్పుగా అర్థం చేసుకోవ‌ద్ద‌ని చెప్పడం జ‌రిగింది. అయితే తాను ఆర్ఆర్ఆర్ చిత్రాన్ని చూసిన‌ప్పుడు గొప్ప అనుభూతికి లోన‌య్యాన‌ని, ముఖ్యంగా ఎన్టీఆర్, రామ్ చ‌ర‌ణ్ లు చిన్న బాలున్ని కాపాడే స‌న్నివేశం బాగుంటుంద‌ని అన్నారు. అంతే కాకుండా వారిద్ద‌రూ ఆ సీన్ లో జెమినీ స‌ర్క‌స్ లో ఉండే ప్రొపెష‌న‌ల్ జిమ్నాస్టిక్ చేసేవాళ్లలా అనిపించార‌ని త‌న అభిప్రాయాన్ని వివ‌రించారు.

ఇదే సంద‌ర్భం లో రామ్ గోపాల్ వ‌ర్మ తాను మ‌ణిర‌త్నంతో క‌లిసి ప‌ని చేసిన రోజులను కూడా గుర్తు చేసుకున్నారు. ఆర్జీవీ మాట్లాడుతూ.. త‌ను చేసే ప‌నులు మ‌ణిర‌త్నంకి న‌చ్చ‌వ‌ని, అలాగే మ‌ణిర‌త్నం చేసే ప‌నులు కూడా త‌నకు న‌చ్చ‌వ‌ని పేర్కొన్నారు. అయిన‌ప్ప‌టికీ తామిద్ద‌రం క‌లిసి దొంగ దొంగ ఇంకా గాయం సినిమాలు చేయ‌డం జ‌రిగింద‌ని, ఇద్ద‌రి మ‌ధ్య అభిప్రాయ భేదాలు ఉండేవ‌ని అన్నారు. ఇంకా త‌న కెరీర్ లో క్ష‌ణ‌క్ష‌ణం, స‌ర్కార్ సినిమాల‌ను మాత్ర‌మే ముందుగా అనుకున్న హీరోతో అలాగే ప‌క్కా క‌థ‌, స్క్రీన్ ప్లేల‌ తో తీశాన‌నీ, కానీ మిగిలిన సినిమాల‌న్నీ అలా జ‌ర‌గ‌లేద‌ని వివ‌రించారు.