Peddanna Movie : ఓటీటీలో సందడి చేయనున్న రజినీకాంత్ పెద్దన్న.. ఎప్పటినుంచంటే!

Peddanna Movie : సూపర్ స్టార్ రజనీకాంత్, నయనతార జంటగా నటించిన చిత్రం “అన్నాతై”. శివ దర్శకత్వంలో తెరకెక్కిన ఈ చిత్రం తెలుగులో పెద్దన్న అనే టైటిల్ తో విడుదల అయింది. ఈ సినిమా నవంబర్ 4వ తేదీ దీపావళి కానుకగా తెలుగు, తమిళ భాషలలో విడుదలైంది. ఇక ఈ సినిమాలో రజనీకాంత్ చెల్లెలి పాత్రలో కీర్తిసురేష్ నటించిన సంగతి తెలిసిందే.

రజనీకాంత్ నటించిన పెద్దన్న సినిమా థియేటర్లో ప్రేక్షకులను పెద్దగా సందడి చేయలేకపోయినప్పటికీ పెద్ద ఎత్తున కలెక్షన్లను వసూలు చేసింది. ఈ క్రమంలోనే ఈ సినిమా త్వరలోనే ఓటీటీలో ప్రసారం కానుంది. సన్ పిక్చర్స్ బ్యానర్ పై కళానిధి మారన్, ప్రశాంత్ రాందాస్ సంయుక్తంగా నిర్మించారు.

శివ దర్శకత్వంలో తెరకెక్కిన ఈ చిత్రం నవంబర్ 26వ తేదీ నుంచి సన్ నెక్స్ట్ లో ప్రసారం కానుంది. ఇక ఇందులో ఖుష్బూ, మీనా, జగపతి బాబు ప్రధాన పాత్రలలో నటించారు. థియేటర్లలో ప్రేక్షకులను ఆకట్టుకోలేకపోయినా ఈ సినిమా ఓటీటీలో అయినా ప్రేక్షకులను సందడి చేస్తుందో లేదో తెలియాల్సి ఉంది.

కాగా రజనీకాంత్‌ ఇటీవలే చెన్నైలో కొన్ని రోజులపాటు హాస్పిటల్‌లో చికిత్స తీసుకున్నారు. పలు అనారోగ్య సమస్యల కారణంగా ఆయన హాస్పిటల్‌లో చికిత్స పొందారు.