Manchu Vishnu : అక్టోబర్ 10వ తేదీన జరిగిన మూవీ ఆర్టిస్ట్స్‌ అసోసియేషన్ ఎన్నికలలో మా అధ్యక్షుడిగా మంచు విష్ణు గెలిచిన సంగతి తెలిసిందే. ప్రకాష్ రాజ్ ప్యానల్ పై అధిక మెజార్టీతో గెలిచిన మంచు విష్ణు మా అధ్యక్షుడిగా ప్రమాణ స్వీకారం చేశారు. ఫిల్మ్ నగర్ కల్చరల్ సెంటర్లో జరిగిన ఈ కార్యక్రమంలో మంచు విష్ణు ఆయన ప్యానల్ నుంచి గెలిచిన కార్యవర్గ సభ్యులు ప్రమాణ స్వీకారం చేశారు.
ఈ ప్రమాణ స్వీకారోత్సవ మహోత్సవానికి తెలంగాణ మంత్రి తలసాని శ్రీనివాస్ యాదవ్ ముఖ్యఅతిథిగా హాజరయ్యారు. అదే విధంగా మంచు విష్ణు కుటుంబ సభ్యులు, మాజీ మా అధ్యక్షుడు నరేష్ ఈ కార్యక్రమానికి హాజరయ్యారు. ఇకపోతే ప్రకాష్ ప్యానల్ నుంచి గెలిచిన 11 మంది వారి పదవులకు రాజీనామా ఇచ్చిన సంగతి తెలిసిందే. అయితే ఈ 11 మంది ఈ కార్యక్రమానికి హాజరు కాకపోవడం గమనార్హం.
మంచు ప్రమాణస్వీకారోత్సవం అనంతరం పలువురు ఆయనకు అభినందనలు తెలియజేశారు. కాగా ఈ కార్యక్రమానికి బాలకృష్ణ, మెగాస్టార్ చిరంజీవి కూడా ముఖ్య అతిథులుగా రావాల్సి ఉండగా వారు మాత్రం ఈ కార్యక్రమంలో కనిపించలేదు.
