IPL : లోగోను ఆవిష్కరించిన ఐపీఎల్‌ లక్నో టీమ్‌..!

IPL : ఈ ఏడాది ఐపీఎల్‌లో మరో రెండు కొత్త టీమ్‌లు ఆడనున్న సంగతి తెలిసిందే. అహ్మదాబాద్‌, లక్నో టీమ్‌లు ఈ సారి ఐపీఎల్‌లో సందడి చేయనున్నాయి. ఈ క్రమంలోనే లక్నో టీమ్‌ శరవేగంగా పనులు చేస్తోంది. తమ జట్టుకు కెప్టెన్‌గా కేఎల్‌ రాహుల్‌ను ఇప్పటికే నియమించింది. అలాగే లక్నో సూపర్‌ జియాంట్స్‌ పేరిట జట్టుకు ఇటీవలే నామకరణం చేసింది. ఈ క్రమంలోనే సోమవారం జట్టు లోగోను ఆవిష్కరించారు. ఇది సరికొత్త రీతిలో ఆకట్టుకుంటోంది.

లక్నో సూపర్‌ జియాంట్స్‌ టీమ్‌ కొత్త లోగోను భారత త్రివర్ణ పతాకం మోడల్‌లో తీర్చిదిద్దారు. పక్షి రెక్కలు విప్పుకున్నట్లుగా భారత జాతీయ పతాకంలోని రంగులను ఆవిష్కరించారు. మధ్యలో ఒక బ్యాట్‌ను ఉంచారు. కింద లక్నో సూపర్‌ జియాంట్స్‌ అని జట్టు పేరు పెట్టారు. ఇదే లోగోతో ఈ టీమ్‌ ఈసారి ఐపీఎల్‌లో బరిలోకి దిగనుంది. మరి ఈ జట్టుకు తొలిసారిగా అదృష్టం కలసి వచ్చి ట్రోఫీని లిఫ్ట్‌ చేస్తుందా.. లేదా.. అన్నది వేచి చూస్తే తెలుస్తుంది.

IPL : కేఎల్‌ రాహుల్‌ను కెప్టెన్‌గా..

లక్నో టీమ్‌ లోగోను తాజాగా ఆ టీమ్‌ మేనేజ్‌మెంట్‌ ట్విట్టర్‌లో ఆవిష్కరించింది. లక్నో టీమ్‌ను ఆర్‌పీఎస్‌జీ గ్రూప్‌ రూ.7090 కోట్ల భారీ మొత్తంతో టెండర్‌లో దక్కించుకుంది. గతంలో ఇదే గ్రూప్‌ పూణె టీమ్‌ను సొంతం చేసుకోగా.. దాదాపుగా అదేలాంటి పేరును లక్నోకు పెట్టారు. కేవలం సిటీ పేరు మాత్రమే మారింది. ఇక కేఎల్‌ రాహుల్‌ను కెప్టెన్‌గా నియమించుకున్నందుకు అతనికి రూ.17 కోట్ల వేతనం ఇవ్వనున్నారు. అలాగే ఆస్ట్రేలియా ఆల్‌ రౌండర్‌ మార్కస్‌ స్టాయినిస్‌ కు రూ.9.2 కోట్లు ఇచ్చి టీమ్‌లోకి తీసుకున్నారు. దీంతోపాటు అన్‌క్యాప్డ్‌ ప్లేయర్‌ లెగ్‌ స్పిన్నర్‌ రవి బిష్ణోయ్‌ను రూ.4 కోట్లతో టీమ్‌లోకి తీసుకున్నారు.

కాగా ఈ నెల 12, 13 తేదీల్లో బెంగళూరులో ఐపీఎల్‌ మెగా వేలం 2022 నిర్వహించనున్నారు. అందులో ఏకంగా 1000 కి పైగా ప్లేయర్లకు వేలం వేయనున్నారు.