మహమ్మారి కరోనా ఎంతో మందిని తమ ఆత్మీయులకు దూరం చేసింది. చివరి చూపులకు కూడా నోచుకుండా చేస్తోంది. తమ ఆత్మీయులను కడసారి చూసేందుకు కూడా వీలు లేకుండా చేసింది మాయదారి కరోనా. ఈ క్రమంలోనే ఎన్నో లక్షల మంది ఇప్పటి వరకు దేశ వ్యాప్తంగా చనిపోయారు. అనేక చోట్ల శ్మశానాల్లో కుప్పలు తెప్పలుగా కరోనా మృతదేహాలను దహనం చేస్తున్నారు. కాగా కరోనా బారిన పడ్డ ఓ డాక్టర్ పెట్టిన ఫేస్బుక్ పోస్టు అందరినీ కంట తడి పెట్టిస్తోంది.
ముంబైకి చెందిన సెవ్రి టీబీ హాస్పిటల్ డాక్టర్ మనీషా జాదవ్కు కరోనా సోకింది. అయితే ఆమె పరిస్థితి విషమంగా మారింది. ఈ క్రమంలోనే ఆమె ఇటీవలే ఓ రోజు ఫేస్బుక్లో పోస్టు పెట్టింది. ఇదే నాకు చివరి గుడ్ మార్నింగ్. ఇదే చివరి పోస్టు. ఇకపై ఈ ప్లాట్ఫాంలో మిమ్మల్ని కలుసుకోలేను. అందరూ జాగ్రత్తగా ఉండండి. శరీరం చనిపోతుంది. ఆత్మ కాదు. ఆత్మకు మరణం లేదు. అంటూ ఆమె ఫేస్బుక్లో పోస్టు పెట్టింది. ఈ క్రమంలో ఆమె పోస్టు పెట్టిన మరుసటి రోజు మృతి చెందింది. దీంతో ఆమె పోస్టు వైరల్గా మారింది.
ఆ డాక్టర్ పెట్టిన ఫేస్బుక్ పోస్టు అందరినీ విచారానికి గురి చేస్తోంది. అందరినీ కన్నీరు పెట్టిస్తోంది. దిక్కుమాలిన కరోనా ఇంకెంతమందిని బలి తీసుకుంటుందో కదా అంటూ అందరూ కరోనాను తిట్టిపోస్తున్నారు. కాగా మహారాష్ట్రలో ప్రస్తుతం కోవిడ్ తీవ్రత ఎక్కువగా ఉంది. ఈ క్రమంలోనే అక్కడ 18వేల మంది డాక్టర్లకు కోవిడ్ సోకగా వారిలో 168 మంది చనిపోయారని ఇండియన్ మెడికల్ అసోసియేషన్ తెలియజేసింది.
