Getup Seenu : స‌హాయం చేయండి ప్లీజ్‌.. అంద‌రినీ వేడుకుంటున్న‌గెట‌ప్ శీను..!

Getup Seenu : బుల్లితెర‌పై స్టార్ కమెడియ‌న్‌గా గెట‌ప్ శీను ఎంత‌టి పేరు తెచ్చుకున్నాడో ప్ర‌త్యేకంగా చెప్పాల్సిన ప‌నిలేదు. జ‌బ‌ర్ద‌స్త్ షోలో సుడిగాలి సుధీర్ టీమ్‌లో శీను ప‌లు ర‌కాల భిన్న‌మైన గెట‌ప్‌లు వేస్తూ కామెడీని పండించ‌డంలో ఆరి తేరిపోయాడు. ఈ క్ర‌మంలోనే శీను చేసే కామెడీ ఎంతో మందిని ఆక‌ట్టుకుంటుంది. అత‌ను వేసే పంచ్‌లు కూడా అల‌రిస్తుంటాయి. జ‌బ‌ర్ద‌స్త్ వేదిక‌గా ప‌రిచ‌యమైన శీను ప‌లు సినిమాల్లోనూ న‌టించాడు. సుడిగాలి సుధీర్ స్కిట్ వ‌స్తుందంటే.. అందులో గెట‌ప్ శీను ఉన్నాడా.. అని అంద‌రూ ఆస‌క్తిగా ఎదురు చూస్తుంటారు. ఈ క్ర‌మంలోనే ఓ వైపు జ‌బ‌ర్ద‌స్త్ వంటి కామెడీ షోలు చేస్తూనే మ‌రోవైపు సినిమాల్లోనూ శీను న‌టిస్తున్నాడు.

జ‌బ‌ర్ద‌స్త్ వేదిక‌పై సుడిగాలి సుధీర్‌, గెట‌ప్ శీను, ఆటో రాంప్ర‌సాద్‌కు అస‌లు తిరుగులేదు. వీరు ముగ్గురూ క‌లిసి ఎన్నో అద్భుత‌మైన స్కిట్‌లు చేశారు. ఇక జ‌బ‌ర్ద‌స్త్ షో ద్వారా వ‌చ్చిన పాపులారిటీతో శీను అనేక మంది అభిమానుల‌ను సంపాదించాడు. అలాగే ప‌లు ప్రోగ్రామ్స్‌, ఈవెంట్స్ కూడా చేస్తున్నాడు. ఈ క్ర‌మంలోనే గెట‌ప్ శీను ప్ర‌స్తుతం అంద‌రినీ స‌హాయం చేయాల‌ని కోరుతూ అడుగుతుండ‌డం అంద‌రినీ షాక్‌కు గురి చేస్తోంది.

Getup Seenu : చికిత్స కోసం రూ.4 ల‌క్ష‌లు

గెట‌ప్ శీను అంద‌రినీ స‌హాయం చేయాల‌ని కోరుతున్న వార్త‌లు సోష‌ల్ మీడియాలో వైర‌ల్ అవుతున్నాయి. దీంతో అస‌లు గెట‌ప్ శీనుకు ఏమైందా.. అని ఆరా తీసే ప్ర‌య‌త్నం చేస్తున్నారు. అయితే వాస్త‌వానికి శీను స‌హాయం అడుగుతున్న‌ది త‌న కోసం కాదు. ఆనంద్ అనే వ్య‌క్తి కోసం. అత‌ను రాజ‌మండ్రిలోని ఓ హాస్పిట‌ల్‌లో చికిత్స పొందుతున్నాడు. ప్ర‌మాదంలో తీవ్రంగా గాయ‌ప‌డ‌గా.. చికిత్స కోసం రూ.4 ల‌క్ష‌లు అవుతాయ‌ని చెప్పారు. దీంతో అత‌నికి స‌హాయం చేయాల‌ని కోరుతూ శీను అంద‌రినీ అడుగుతున్నాడు. బాధితులు గెట‌ప్ శీనును సంప్ర‌దించ‌డంతో అత‌ను రంగంలోకి దిగి విరాళాలు సేక‌రించే ప‌నిలో ప‌డ్డాడు. ఇదీ అస‌లు విష‌యం. త‌న అభిమానులు ఆనంద్‌కు స‌హాయం చేయాల‌ని శీను కోరుతున్నాడు.