Brahmanandam : బ్రహ్మానందం ఎప్పుడో చేసిన దాన్ని సమంత కాపీ కొట్టిందా..? బ్రహ్మి ఏమన్నారు..?

Brahmanandam : టాలీవుడ్ టాప్ హీరోయిన్ స‌మంత తొలిసారి పుష్ప కోసం ఐటమ్‌ సాంగ్ చేసిన విష‌యం తెలిసిందే. ఈ సాంగ్‌కి ప్ర‌శంస‌ల‌తోపాటు విమ‌ర్శ‌లు కూడా ద‌క్కాయి. అయితే ఏది ఏమైనా ఈ సాంగ్‌ యూట్యూబ్‌లో ట్రెండ్‌ అవుతోంది. ఏకంగా వంద మిలియన్స్ వ్యూస్‌ని దక్కించుకుంది. ఇదిలా ఉండగా ఈ పాటతోపాటు ట్రోల్స్ చేస్తున్నారు. చాలా మంది నెటిజన్లు ఈ సాంగ్‌ని, సమంతని ట్రోల్స్ చేయడం విశేషం.

అంతేకాదు ఇందులోని సమంత పోజులకు మీమ్స్ చేసి వైరల్‌ చేస్తున్నారు. అందులో భాగంగా ఓ మీమ్ ఇప్పుడు మరింత హాట్‌ టాపిక్‌ అయ్యింది. అంతేకాదు వైరల్‌ అవుతోంది. ఊ అంటావా మావా.. ఊహు అంటావా మావా.. అనే సాంగ్‌లో సమంత స్టిల్‌ ఒకటి ఆ మధ్య బాగా వైరల్‌ అయింది. మీమ్స్‌లో బీభత్సంగా వాడే బ్రహ్మానందం స్టిల్‌ ఒకటి కూడా అచ్చం అలాగే ఉంటుంది. దీంతో మీమ్స్‌రాయుళ్లు ‘మా బ్రహ్మానందం స్టైల్‌ను కాపీ చేయకండి సామ్‌.. అంటూ మీమ్స్ వ‌దిలారు.

ఇదే మీమ్ బ్ర‌హ్మానందంకి ఓ కార్య‌క్ర‌మంలో తగిలింది. దీనిపై త‌న దైన శైలిలో స్పందించారు. ఓ కార్యక్రమానికి ముఖ్య అతిథిగా విచ్చేసిన ఆయన సదరు మీమ్‌ను చూసి.. ‘నేను ఎప్పుడో 25 ఏళ్ల క్రితం అలా అన్నాను. దానికి బ్రహ్మీని సమంత కాపీ కొట్టిందనడం ఎంత దుర్మార్గం’ అని కౌంటరిచ్చారు. ప్ర‌స్తుతం సామ్, బ్ర‌హ్మీ మీమ్ వైర‌ల్‌గా మారింది.